2021 jyly ana men balany qoldaýǵa 756 mlrd teńge qarastyrylǵan. Bul týraly halyqqa esep berý kezdesýinde QR Eńbek jáne halyqty áleýmettik qorǵaý mınıstri Serik Shápkenov málimdedi.
Eńbek mınıstrliginiń basshysy ana men balany qoldaý áleýmettik kómek pen áleýmettik saqtandyrýdyń kópdeńgeıli júıesi arqyly qamtamasyz etiletinin atap ótti. 2021 jyldyń basynan bastap balaly otbasylarǵa beriletin barlyq memlekettik áleýmettik járdemaqylar 5%-ǵa arttyryldy.
Respýblıkalyq bıýdjet qarajaty esebinen memlekettik járdemaqylardyń mynadaı túrleri kózdelgen:
- bala týǵanda beriletin birjolǵy járdemaqy (2020 jyly járdemaqynyń ortasha mólsheri 121 348 teńgeni qurap, onymen 52,3 mlrd. teńge somasyna 430 myńnan astam adam qamtyldy; 2021 jyly osy járdemaqyny tóleýge shamamen 400 myń adamdy qamtı otyryp, 51,4 mlrd teńge baǵyttaý josparlanýda);
- 1 jasqa deıingi bala kútimi boıynsha aı saıynǵy járdemaqy (2020 jyly saralanǵan mólsherde 16 002 teńgeden 24 725 teńgege deıingi járdemaqyny shamamen 121 myń adam 32 mlrd teńge somasyna aldy; 2021 jyly járdemaqymen 44 mlrd teńge somasyna 145 myń adamdy qamtý josparlanýda);
- «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa beriletin aı saıynǵy járdemaqy (2020 jyly járdemaqymen 49,1 mlrd teńge somasyna 232,3 myń adam qamtylyp, ortasha mólsheri 17 780 teńgeni qurady; 2021 jyly 52,8 mlrd teńge somasyna 234,7 myń adamdy qamtý josparlanyp otyr);
- 4 jáne odan da kóp kámeletke tolmaǵan balalary bar kópbalaly otbasylarǵa beriletin járdemaqy (járdemaqy mólsheri otbasyndaǵy balalar sanyna baılanysty 46 760 teńgeden (4 bala) 186 688 teńgege (16 bala) deıin saralanǵan, 2020 jyly járdemaqymen 236,2 mlrd teńge somasyna 392,4 myń otbasy qamtylǵan; 2021 jyly 282,4 mlrd teńge somasyna 442 myń otbasyny qamtý josparlanýda).
- kámelettik jasqa tolǵanǵa deıin múgedektigi bar balanyń, 18 jastan asqan bala kezinen birinshi toptaǵy múgedektigi bar adamnyń kútimi boıynsha járdemaqy (2020 jyly 1,4 eń tómengi kúnkóris deńgeıi mólsherinde 104 myń adam jalpy somasy 57,6 mlrd teńgege járdemaqy aldy; 2021 jyly osy járdemaqyny tóleýge shamamen 110 myń adamdy qamtı otyryp, 65,2 mlrd teńge bólindi).
Sonymen qatar, jumys isteıtin áıelder úshin Memlekettik áleýmettik saqtandyrý qorynan áleýmettik tólemder qarastyrylǵan.
Júktilikke jáne bosanýǵa baılanysty áleýmettik tólemniń ortasha mólsheri 541,3 myń teńgeni, al bir jasqa deıingi bala kútimi boıynsha aı saıynǵy tólem 32,3 myń teńgeni quraıdy.
Zeınetaqy taǵaıyndaý kezinde áıelderdiń áleýmettik qorǵalýyn arttyrý úshin úsh jasqa deıingi bala kútimi kezeńi eńbek ótiline esepteledi. Sonymen birge, áıelderge bir jasqa deıingi bala kútimi boıynsha demalys kezeńinde mindetti zeınetaqy jarnalary sýbsıdııalanady.
«О́tken jyly ana men balany qoldaýǵa 635 mlrd teńgeden astam qarajat jumsaldy. 2021 jyly 756 mlrd teńge kózdelgen, bul ótken jylǵy shyǵyndardan 19%-ǵa artyq», dep habarlady Serik Shápkenov.
