Qylmystyq is málimetteri boıynsha, anasy qyzynyń qolynda birshama qolma-qol aqsha bolǵanyn baıqap qalǵan. Áıel qyzynan aqshany qaıdan alǵanyn suraıdy, jasóspirim bolǵan jaǵdaıdy anasynan jasyrýǵa tyryspaq bolady, alaıda kóp ýaqyt ótpeı shyndyqtyń beti ashylady.
Oqıǵa byltyr qyrkúıekte bolǵan. Túrkistan oblysynyń turǵyny dereý quqyq qorǵaý organdaryna júgindi. Kúdikti dereý ustalyp, keıin sottyń sheshimimen qamaýǵa alyndy. Oǵan qatysty QR Qylmystyq kodeksiniń 120 baby, 3-1 bóligi, 1 tarmaǵy (Kámeletke tolmaǵan balany zorlaý) boıynsha qylmystyq is qozǵaldy.Kiná dáleldenip er adam qylmysyn tolyqtaı moıyndady.
Tergeý barysynda onyń qylmysynyń basqa da dáleldemeleri jınaldy. Jasóspirim men onyń anasyna arnaıy psıhoterapııalyq kómek kórsetildi.
Túrkistan oblysynyń qylmystyq ister jónindegi mamandandyrylǵan aýdanaralyq soty aıyptalýshyny 12 jylǵa bas bostandyǵynan aıyrdy. Ol merzimin eń joǵary qaýipsizdik penıtensıarlyq júıesi mekemesinde óteıtin bolady. Úkim áli zańdy kúshine engen joq.
Aıyptalýshy ózine taǵylǵan sheshimge kelispeı, sotqa apellıasııalyq shaǵym túsirdi. Qazir ony Túrkistan oblystyq sotynyń qylmystyq ister jónindegi sot alqasy qarap jatyr.
