Bul turǵyda elimizde jas mamandardy jumyspen qamtýǵa baǵyttalǵan «Jastar tájirıbesi» memlekettik baǵdarlamasy qolǵa alynǵan. Bıyldyń ózinde atalǵan baǵdarlamaboıynsha 300-den asa adamdy ýaqytsha jumysqa ornalastyrý josparlanǵan.
Kez kelgen jumys berýshi qol astynda tájirıbeli mamannyńbolǵanyn qalaıdy. Osyndaı jaǵdaıdy basynan ótkergen Shymkent qalasynyń turǵyny Ýseınov Sharhannyń aıtýynsha, eńbek ótili bolmasa, oqý ornyn keshe ǵana bitirgen jastardyń mamandyǵy boıynsha jumysqa ornalasýy qıyn-aq.
«Joǵarǵy oqý ornyn bitirip, qolyma dıplomdy alǵan soń óz mamandyǵym boıynsha jumys izdep, biraz mekemeniń tabaldyryǵyn tozdyrdym.Túrli organdarǵa júgindim. Barlyq jer menen eńbek ótilin surady. Oqýdy jańa bitirgen jas mamanda eńbek ótili qaıdan bolsyn. Tipti jarty aılyqqa tájirıbe jınaý úshin de eshqandaı mekeme jumysqa almady», deıdi ol.
Mundaı jaǵdaıǵa kóptegen túlek tap bolady. Keshegi stýdentter úshin memleket«Jastar tájirıbesi»baǵdarlamasyn usynady. Bul baǵdarlamaǵa buryn eshqandaı jerde jumys jasamaǵan, dıplom alǵanyna 3 jyl bolmaǵan 29 jasqa deıingi jastar qatysa alady. Bar bolǵany jumyspen qamtý, áleýmettik baǵdarlamalar jáne azammattyq hal aktilerin tirkeý bólimine baryp tıisti qujattardy tapsyrýy kerek.
Osydan eki jyl buryn«Jastar tájirıbesi» arqyly «eki qolǵa bir kúrek» tapqandardyń biri– Dıas Qasymov.
«Ýnıversıtet bitirgen bete áskerge kettim. Kelgennen keıin birden «Jastar tájirıbesi» boıynsha qujat tapsyrdym. Sebebi jumys berýshiler eńbek ótilin suraıdy. Al bul– jaqsy múmkindik. Tájirıbe jınaqtaısyń, eńbekaqy alasyń, zeınetaqy aýdarymdaryń júrip jatady. Aqshasy az demeımin, múldem tólenbese,budan da jaman bolýy múmkin edi ǵoı», deıdiol.
Memleket jas mamandardy 6 aıǵa jumysqa ornalastyrady. Qarjylandyrý memleket tarapynan bolady. Aı saıynǵyjalaqy – 25 AEK kóleminde, ıaǵnı 72 925teńge.
«Jastar tájirıbesi»– eńbek jolyn jańadan bastaǵan jastarǵa taptyrmas múmkindik. Jaýapty mamandardyń aıtýynsha, baǵdarlamaǵa qatysýshylardyń kóbi ózderinjaqsy maman retinde kórsete otyryp, joldama alǵan jerine turaqty ornalasady.
2021jyly dál osy baǵdarlama arqyly 362 adamdy ýaqytsha jumysqa ornalastyrý josparlanǵan. Bul maqsatqa memleketten 144mln 549myń teńge bólindi. Búgingi tańda elimizde medbıke, zańger, tehnık-baǵdarlamashy, esep jáne aýdıtmamandary suranysqa ıe.Bir ókinishtisi, 2017jyly bastalǵan bul baǵdarlamanyń bıyl sońǵy jyly eken.
Súndet ORALBEKOV,
L.Gýmılev atyndaǵy EUÝ «Jýrnalıstıka» fakýltetiniń stýdenti
