«Kaspıı» zaýyty qazir kúnine 17-20 myń tekshe metr sýdy tushylandyryp jatyr. Bul negizinen kún saıyn 14 myń tekshe metr sý paıdalanatyn Munaıly aýdanyna jumsalady. 2 myń tekshe metr sý – Quryq eldi mekenine berilse, taǵy 2 myń tekshe metr jaǵalaýyndaǵy nysandarǵa kerek. Olardyń arasynda Rixos qonaq úıi de bar, oǵan táýligine 500-700 tekshe metr sý beriledi. Biraq jaǵalaýda týrızm birtindep damyǵan saıyn sýǵa degen qajettilik te kóbeıedi. О́zge nysandar salynyp bitse, táýligine taǵy 10 myń tekshe metr sý kerek bolady», dedi S.Turymov.
Ákimniń aıtýynsha, aýyz sý máselesin sheshý úshin Aqtaý bıligi «Kaspıı» zaýytynyń qýatyn arttyrýdy kózdep otyr. Iаǵnı, ol táýligine 40 myń tekshe metr sýdy tushylandyrýy tıis. Sol úshin respýblıkalyq bıýdjetten 7,7 mlrd teńge bólingen.
«Jyl sońyna deıin barlyq jumys aıaqtalady dep senimdi túrde aıta alamyn. Munaıly aýdanyna da tushylandyratyn qosymsha jabdyqtar ornatamyz. Jerasty sýyn shyǵaratyn oryndar da bar. Osy aýmaqtan 4 myń tekshe metr sýdy shyǵarý boıynsha jumys durys jolǵa qoıyldy. Oǵan jergilikti bıýdjetten shamamen 160 mln teńge bólindi», dedi ákim.
