Maýsymnyń 12-sinde Batys Qazaqstan oblysyna kelgen Qazaqstan Respýblıkasy Premer-Mınıstriniń orynbasary Roman Sklıar Batys Qazaqstan oblysynyń ákimi Ǵalı Esqalıevpen birge óńirdegi birqatar nysandy aralady.
Ei áýeli bıyl mamyr aıynda jeke basqarýshy kompanııadan kommýnaldyq menshikke berilgen «Batys Qazaqstan AEK» aksıonerlik qoǵamynyń jumysymen tanysty.
Vıse-premer odan keıin Oral qalasynyń soltústik-shyǵys bóligindegi 9 qabatty kóppáterli turǵyn úı qurylysy aýmaǵyn aralady. Munda ol «Bolashaq T» kompanııasynyń úı qurylysy kombınatyn kórdi. Osy jerde úkimet basshysynyń orynbasary bilim berý mekemeleriniń qurylysyna jumsalatyn shyǵyndardy qysqartýǵa múmkindik beretin shaǵyn jınaqtalǵan mektepterdiń Úlgilik jobasymen tanysty.
Osy sapar aıasynda úkimettik delegasııa Samara-Shymkent respýblıkalyq mańyzy bar avtojolynyń ýchaskesindegi «Syrym» ótkizý pýnktinde boldy. Shekaradaǵy bul bekette ınspeksııalyq-tekserý keshenin jańǵyrtý jáne ornatý týraly sheshim qabyldanǵan bolatyn. Mundaı keshen avtomobılderdegi júkterdi jyldam skanerleýge múmkindik beredi.
Sapar qorytyndysynda Roman Sklıar júrgizilip jatqan jumystardyń óńir turǵyndary úshin mańyzdylyǵyn atap ótip, oblys basshylyǵyna olardyń oryndalýyn baqylaýdy qamtamasyz etýdi tapsyrdy.
Batys Qazaqstan
