BQO TJ departamentiniń baspasóz qyzmeti málim etkenindeı, birinshi oqıǵa 13 maýsym kúni keshkisin Báıterek aýdany Trekın aýyldyq okrýgi Jaıyq eldi mekeninde bolǵan. «Saıa» demalys ornynda 33 jastaǵy áıel sýǵa túsip, batyp ketken.
Kýágerlerdiń sózine qaraǵanda, otbasymen, dostarymen serýendegen áıel mas kúıinde bolǵan. Áıeldiń denesi qutqarýshylar kelgenshe, saǵat 19.45-te sýdan shyǵarylǵan.
Taǵy bir oqıǵa Oral qalasynda boldy.
14 maýsym kúni saǵat 00.07-de 28 jastaǵy jigit shomylýǵa jabdyqtalmaǵan jerden sýǵa túsip, batyp ketken. Ol da tanystarymen birge ishimdik ishken.
Marqumnyń denesin jedel qutqarý jasaǵynyń izdeý toby saǵat 02.25-te sýdan alyp shyqty.
