Respýblıkada karantındik shekteýlerdiń saqtalýyn baqylaıtyn monıtorıngtik toptardyń jumysy jalǵasýda. Búgingi tańda Qazaqstannyń barlyq óńirlerinde 1,8 myńnan astam monıtorıngtik top jumys isteıdi. 2021 jyldyń qańtary men 13 maýsymy aralyǵynda el óńirlerinde 103 762 reıd júrgizilip, 630 757 nysan tekserildi.
Júrgizilgen jumys barysynda mobıldi toptar nysandarda karantındik talaptardy buzýdyń 17 043 oqıǵasyn anyqtady.
13 maýsymdaǵy jaǵdaıǵa sáıkes shekteý sharalaryn, onyń ishinde karantındi buzǵany úshin 16 712 adam jaýapkershilikke tartyldy. Bul rette 9 670 kásipkerge qatysty jazalaý sharalary qoldanyldy. О́ndirilgen aıyppuldyń jalpy somasy 1 352,2 mlrd teńgeden asady. Sotqa 310 materıal jiberildi.
Munymen qosa, 10 maýsymnan bastap Ashyq jobasyna qatysatyn nysandarda «qyzyl» mártebesi bar 165 jáne «sary» mártebesi bar 168 adam tirkelgen. Sanıtarııalyq-epıdemıologııalyq qyzmet organdary oqshaýlaý rejımin buzýshy «qyzyl» mártebesi bar azamattarǵa qatysty ákimshilik quqyq buzýshylyq týraly isterdi qozǵaý boıynsha jumysty bastady.
Eske salaıyq, ótken aptada KVI-ǵa shaldyqqan naýqastar jáne olarmen baılanysta bolǵan adamdar úshin oqshaýlaýdyń mindetti rejımin kózdeıtin sanıtarııalyq-epıdemıologııalyq talaptar kúshine engen bolatyn. Belgilengen talaptardy oryndamaǵany úshin oqshaýlaý rejımin buzýshylarǵa 30 AEK nemese 87 510 teńge mólsherinde aıyppul salynady (QR ÁQBtK 452-baby).
