Mamandardyń aıtýynsha, tumaýratý kezinde naýqastyń denesinde ımmýndyq reaksııa bolady, al ol koronavırýs ınfeksııasynan qorǵaıdy.
Ǵalymdar zerthanada tynys alý tinderin ósirip, oǵan rınovırýsty juqtyrǵan. Ol - tumaýdy týdyratyn vırýs. Keıin oǵan koronavırýsty juqtyrǵan. Mamandardyń aıtýynsha, birinshi vırýspen áreketteskennen keıin ımmýndyq júıe iske qosylyp, COVID-19-dyń taralýyn toqtatqan. Ǵalymdar zertteý nátıjesi ınfeksııany emdeýdiń tıimdi ádisterin jasaýǵa kómektesedi dep úmittenedi.
Sonymen qatar mamandar bul ádisti naýqas koronavırýs juqtyrǵan sátte múmkindiginshe tez qoldaný kerek ekenin aıtty.
«Bári ýaqytqa baılanysty. Vırýstar arasynda ózara árekettesý bolady, ol bizge túsiniksiz. Nátıjesi jumbaqtyń jaýaby. Ony sheshemiz», dedi Iel medısına mektebiniń dosenti Ellen Foksman.
