QR Indýstrııa jáne ınfraqurylymdyq damý mınıstrliginiń ujymy qurmetti jolshy, ardaqty azamat Qobylandın Jańabaı Naǵymulynyń mezgilsiz qazasyna baılanysty barsha týǵan-týystary men jaqyndaryna qaıǵyryp kóńil aıtty.
«Jańabaı Naǵymuly bar ǵumyryn elimizdiń avtojol salasyna arnaǵan aptal azamat edi. Árdaıym baı tájirıbesimen, bilimimen jáne joǵary kásibıligimen erekshelenetin. Avtojol salasyndaǵy ıgi jobalardy tabysty iske asyrýǵa uıytqy bola bildi. Adamgershiligi mol, adal ári ádil jan edi», delingen kóńil aıtý hatynda.
J.Qobylandın 1959 jyly Aqtóbe oblysynda dúnıege kelgen. Eńbek Qyzyl Tý ordendi Qazaq aýyl sharýashylyǵy ınstıtýtyn támamdaǵan.
Eńbek jolyn 1981 jyly «Kazselhozmehanızasııa» ÚEU ınjener-konstrýktory, ǵylymı qyzmetkeri bolyp bastaǵan bolatyn.
1993-2013 jyldary «Jańalyq» kópsalaly shaǵyn kásipornynyń dırektory, «Shalqar» ujymdyq kásipornynyń jáne basqarma tóraǵasy, «Qazaqavtojol» RMK Aqtóbe oblystyq fılıaly dırektorynyń orynbasary, «Qazaqavtojol» RMK Aqtóbe jáne Aqmola oblystyq fılıaldarynyń dırektorlary qyzmetterin atqardy.
Sondaı-aq 2013-2018 jyldary - QR Kólik jáne kommýnıkasııa mınıstrligi Avtomobıl joldary komıteti Aqmola oblystyq departamentiniń dırektory. 2018 jyldan bastap «QazAvtoJol» UK» AQ-nyń úsh birdeı oblystyq fılıaldarynda dırektor laýazymynda boldy.
2020 jyldyń naýryzynan bastap 2021 jyldyń mamyryna deıin Qazaqstandaǵy LTD CITIC Construction Co fılıaly dırektorynyń orynbasary qyzmetin atqarǵan.
