«О́rttiń taralýyn jáne qaıtalanýyn boldyrmaý úshin gazben jabdyqtaý prosesi kilt toqtatyldy jáne apattyq jaǵdaıǵa baılanysty qondyrǵy tolyq ajyratyldy. Saǵat 23.52-de órt tolyǵymen sóndirildi. Qurbandar men zardap shekkender joq», deıdi kompanııanyń baspasóz qyzmeti.
О́rtti sóndirýge QazGО́Z, «О́zenmunaıgaz» AQ jáne oblystyq tótenshe jaǵdaılardy departamentiniń 5 órt sóndirý toby jumyldyryldy.
Jeke quramnyń, sondaı-aq Jańaózen qalasy men jaqyn eldi meken turǵyndarynyń ómiri men densaýlyǵyna qaýip tóngen joq.
Qazirgi ýaqytta órttiń saldaryn joıý jumystary júrgizilip, órttiń sebepteri anyqtalyp jatyr.
«QazMunaıGaz» UK AQ-da kompanııanyń basqarma tóraǵasy Alık Aıdarbaevtyń basshylyǵymen jedel shtab quryldy. Jedel shtabtyń quramyna tıisti qurylymdyq bólimshelerdiń qyzmetkerleri kirgen.
