Shevchenko Nıderlandyǵa qarsy matchtpen salystyrǵanda osy joly azdaǵan ózgeris jasapty. Sıdorchýktiń ornyna Stepanenko shyqsa, Shaparenko jaraqat alǵan Zýbkovty almastyrǵan.
29 mınýtqa deıin de Ýkraına Stole Dımıtrıevskı qaqpasyn jıi torýyldap, gol soǵatyn múmkindik izdeýmen boldy. Árıne, Soltústik Makedonııa da alǵashqy oıynyna jeńilgendikten, 3 upaı olarǵa da aýadaı qajet. Alaıda oıynnyń ón boıynda Zınchenko bastaǵan jigitterdiń bir bas bıik ekenin baıqamaý múmkin emes edi. Bul Ýkraına úshin jeńisti hám jemisti match boldy deýge tolyq negiz bar. Áýeli 29 mınýtta Andreı Iаrmolenko buryshtamadan kelgen dopty kádege jaratyp, esep ashty. Odan soń 34 mınýtta Roman Iаremchýk esepti eseledi. Qaqpashymen betpe-bet qalǵan Iаremchý múmkindikti múlt jibergen joq. Makedonııalyqtar Ezdjan Alıoskıdiń dobymen ǵana jaýap qatty. Ýkraına qaqpashysy Býshan Alıoskıdiń áýelgi soqqysyn qaıtarǵan, alaıda serpilgen dopqa birinshi jetken «Lıds» fýtbolshysy Býshannan aılasyn asyryp ketti.
Aıtpaqshy, 55 mınýtta Makedonııanyń ǵana emes, týrnırdiń eń ardager oıynshysy Goran Pandev gol soqqan. Alaıda qaptaldaǵy tóreshi jalaýshasyn kóterip, gol esepke alynbady. Osylaısha, Ýkraına mańyzdy úsh upaıdy enshilep, óz tobynda 3-orynda tur. Toptaǵy ózge komandalar Nıderlandy men Avstrııa endi oınaıdy. Atalǵan matchty túngi 01:00-de Qazsport telearnasynan tamashalaýǵa múmkindik bar.
