Búgingi sot otyrysynda osy máselege qatysty kýágerler sóz aldy. Málim bolǵandaı B.Shárip 2006 jyly Shymkent qalasyndaǵy qarý-jaraq satatyn dúkennen travmatıkalyq tapansha satyp alǵan.
Oq-dári men qarý satatyn mekeme ókilderiniń aıtýynsha, ol kezde travmatıkalyq qarý erkin saýdalanatyn. Sodan keıin onyń saýdasy men aınalymyna qatysty zań eki márte ózgergen. Osy rette qorǵaýshy tarap sýdıadan ishki ister mınıstrliginiń ókilin shaqyryp, qosymsha túsinikteme alýǵa ruqsat berýdi surady.
Máseleniń mán-jaıyn tereńirek túsinýge qajet dep sanaǵan sýdıa bul ótinishti qanaǵattandyrdy. Sondaı-aq, sotta belgili bolǵandaı tergeýge Qazaqstannyń AQSh-taǵy elshisi Erjan Ashyqbaev pen burynǵy densaýlyq saqtaý mınıstri Eljan Birtanov ta qatysýy tıis.
