Jınalysta túsirilgen vıdeo áleýmettik jelide taralyp ketti.
Araǵa biraz ýaqyt ótpeı oblystyń eki birdeı basqarma basshysy resmı shaǵym túsirgen.
«Munaıly aýdandyq kásipkerlik jáne aýyl sharýashylyǵy bólimi basshysynyń mindetin atqarýshy B.Qýanyshbektiń áriptesterimen áńgimelesken beınejazbasy sybaılas jemqorlyqqa shaqyrady», degen vıdeoda attary atalǵan basqarma basshylary.
Memlekettik qyzmetshi B.Qýanyshbektiń shyndyqqa janaspaıtyn áńgimesi áıelderdiń ar-namysyna nuqsan keltiredi. Osynyń bárin eskere otyryp, oblystyq kásipkerlik jáne saýda basqarmasynyń basshysy J.Toqbaeva men ınvestısııalar jáne týrızmdi damytý basqarmasynyń basshysy V. Mustapaeva ýákiletti organdardan «Sybaılas jemqorlyqqa qarsy is-qımyl týraly» Zań men «QR memlekettik qyzmetshileriniń etıkalyq normalary men minez-qulyq qaǵıdalaryn odan ári jetildirý jónindegi sharalar týraly» Kodekske súıene otyryp, B. Qýanyshbekke qatysty qatań shara qabyldaýdy suraǵan.
Sondaı-aq áleýmettik jelide moraldyq zalal keltirgeni úshin aıyppul salý jáne resmı keshirim suraý keregi aıtylǵan.
Qazirgi ýaqytta bólim basshysynyń mindetin atqarýshyǵa qatysty qyzmettik tekserý bastaldy.
