Kezdesýde á degennen Lýıs Enrıke shákirtteriniń basymdyǵy baıqalyp turdy.
Eýropa chempıonatyn 2, álem chempıonatyn 1 márte jeńip alǵan Ispanııa quramasy qazir 90 paıyzǵa jańarǵan. Kóne kózderden Serhıo Býskets, Jordı Alba, Alvaro Moratalar ǵana qalǵan. Búgingi kezdesýde úsheýi de birinshi mınýttan alańǵa shyqty.
Oıynnyń 30 mınýtynda Slovakııa quramasynyń qaqpashysy Martın Dýbravka óz qaqpasyna gol soǵyp aldy. Al birinshi taım túgesiler tusta Emerık Lıaport gol soǵyp, óz komandasyna túbegeıli basymdyq syılady. Ispanııa quramasy munymen de toqtap qalǵan joq. 56 mınýtta Pablo Sarabııa gol soǵyp, Slovakııa quramasyn jeńistiń aýylynan alystatyp tastady. Aldyńǵy eki týrda aıtarlyqtaı azýyn kórsetpegen Ispanııa osy joly bar ónerin pash etkendeı. 67 mınýtta Ferran Torres komandasynyń tórtinshi dobyn saldy. 71 mınýtta Iýraı Kýska óz qaqpasyna gol soǵyp aldy.
Bul toptan Shvesııa quramasy bes upaı jınap, birinshi orynmen pleı-offqa shyqty. Ispanııa quramasy da 5 upaı jınady. Alaıda dop aıyrmashylyǵy boıynsha shvedterge jol berdi. Slovakııa quramasy toptaǵy úshinshi oryn alǵan komanda retinde pleı-off kezeńinen úmittenedi.
