Jumys tobynyń quramyna qoǵamdyq uıymdardyń basshylary, halyqaralyq ÚEU ókilderi, sarapshylar, ǵalymdar, zańgerler, onyń ishinde Baný Nurǵazıeva, Evgenıı Jovtıs, Gúlmıra Kýjýkeeva, Gúlnar Qurbanbaeva, Marat Shıbýtov, Aıgúl Soloveva jáne basqalar kirdi.
Memleket basshysynyń «Qazaqstan Respýblıkasynyń adam quqyqtary salasyndaǵy odan arǵy sharalary týraly» Jarlyǵyn oryndaý sheńberinde jáne ÚEU-men ózara is-qımyldyń tıimdiligin arttyrý maqsatynda jumys toby «Kommersııalyq emes uıymdar týraly» zań jobasynyń tujyrymdamasyn ázirleıdi.
Jańa zań jobasy «Kommersııalyq emes uıymdar týraly» jáne «Qoǵamdyq birlestikter týraly» Qazaqstan Respýblıkasy Zańdarynyń erejelerin biriktiredi dep kózdelýde.
Talqylaý barysynda qatysýshylar kommersııalyq emes uıymdardyń uıymdyq-quqyqtyq nysandarynyń uǵymdyq apparatyn jetildirý; KEU tirkeý rásimderin jetildirý jáne ońaılatý; KEU úshin salyqtyq preferensııalar, sheteldik qarjylandyrý boıynsha eseptilikti usyný boıynsha Salyq kodeksiniń normalaryn jetildirý qajettigin atap ótti.
