«О́tken aptada HQKO-da, meıramhanada, fıtnes-ortalyqta jáne áýejaıda «qyzyl» mártebesi bar turǵyndar anyqtaldy.
Ashyq jobasy arqyly PTR-synamasy oń nátıje kórsetkenine qaramastan, nysanǵa kirýge tyrysqan almatylyqtar anyqtaldy. Mekeme qyzmetkerleri 14 kúndik úı karantınin buzǵan turǵyndarǵa nysynǵa kirýge tyıym salǵan», dedi Sádýaqas Baıǵabylov.
Onyń aıtýynsha, olar úı karantınin buzǵany úshin QR ÁQBtK-niń 425-baby (30 AEK 83340) boıynsha aıyppul tólegen.
«Turǵyndar Almaty qalasynyń Alataý, Almaly, Bostandyq, Medeý jáne Túrksib aýdandarynan ekeni belgili boldy.
14 kúndik úı karantınin buzǵandardy ákimshilik jaýapkershilikke tartý jónindegi jumys turaqty negizde jalǵasady», dep tolyqtyrdy Baıǵabylov.
Almaty qalasynyń sanıtarlyq-epıdemıologııalyq baqylaý departamenti basshysynyń orynbasary PTR-synamasy oń nátıje kórsetken turǵyndardy oqshaýlaý rejımin saqtaýǵa shaqyrdy.
