О́zbekstan Respýblıkasy Olıı Majlısi Zań shyǵarý palatasy Senaty Keńesiniń, sondaı-aq О́zbekstan Respýblıkasy Mınıstrler Kabınetiniń «Nurly jol» gazeti redaksııasynda О́zbekstan Jýrnalısteri shyǵarmashylyq odaǵynyń tóraǵasy Olımjon Ýsarov, tóraǵa orynbasary Holmýrod Salımov, jetekshi maman Larısa Sýrenevna jáne aqparat qyzmeti mamany Islom Asılbekovterdiń qatysýymen dóńgelek ústel uıymdastyryldy.
Shara barysynda О́zbekstan Jýrnalısteri shyǵarmashylyq odaǵy «Nurly jol» jáne «Ovozı tojık» gazetteriniń redaksııasyna zamanaýı kompıýter syılady.
Olımjon Ýsarov «Nurly jol» gazeti ujymynyń О́zbekstandaǵy saıası-ekonomıkalyq, áleýmettik salalardaǵy jetistikterdi jurtshylyqqa keńinen jetkizýde, aqparat salasyn damytýda qyzmeti joǵary ekenin aıtyp, О́zbekstan Jýrnalıster shyǵarmashylyq odaǵyna múshelikke qabyldaýdy eń alǵash osy eki redaksııadan bastaǵanyn habarlady.
Dóńgelek ústelde O.Ýsarov kýáliktiń jańa úlgisi bekitilgenin, oǵan tósbelgisi rámizdik maǵynaǵa ıe ekenin tilge tıek etip, «Nurly jol» gazetiniń bas redaktory Ǵulamzákir Iýsýpovqa jáne gazettiń tilshisi Jannat Moldashevaǵa kýálik pen tósbelgini saltanatty túrde tapsyryp, olardy shyǵarmashylyq odaǵyna múshe bolýymen quttyqtady.
Shara barasynda kópultty memlekette baspasóz jáne sóz erkindigin qamtamasyz etý barysyndaǵy reformalardyń, buqaralyq aqparat quraldaryn jan-jaqty qoldaý, túrli ult pen ulys ókilderi arasynda ózara dostyq qatynastaryn odan ári kúsheıtý boıynsha jumystardyń dáıekti jalǵasyp kele jatqany aıtyldy.
– О́zbekstandaǵy saıası úderister men jańarýlardy turaqty jarııalap, ózbek-qazaq halyqtary arasyndaǵy týystyq baılanystardyń berik bolýyna úles qosyp kele jatqan «Nurly jol» gazetiniń elimizdegi buqaralyq aqparat quraldary arasynda alatyn orny erekshe. О́zbekstan Jýrnalısteri shyǵarmashylyq odaǵy men Qazaqstan Jýrnalıster odaǵy arasynda yntymaqtastyq memorandýmy jasalǵan. Qudaı qalasa, biz úderisti odan ári jandandyra túsemiz. Aldaǵy ýaqytta elimizde ótkiziletin «Oltın qalam» syndy túrli baıqaýlarǵa, sonymen qatar halyqaralyq deńgeıde ótkiziletin baıqaýlarǵa da ujymdaǵy úzdik jýrnalısterdiń qatysýyna qoldaý bildiremiz, – dedi О́zbekstan Jýrnalısteri shyǵarmashylyq odaǵynyń tóraǵasy Olımjon Ýsarov.
«Nurly jol» gazeti qyzmetkerleriniń aqparat salasyndaǵy eńbegi eskerilip, memleket tarapynan marapatqa ıe bolyp keledi. Gazettiń bas redaktory Ǵ.Iýsýpov «Mehnat shýhratı» ordenimen marapattalsa, tájirıbeli jýrnalıst Qatıra Nurbaeva «О́zbekstanǵa eńbek sińirgen mádenıet qyzmetkeri» ataǵyna ıe boldy. Sondaı-aq Raıhan Babataeva, Jumagúl Álimbekova, Ázıza Aıqojaeva men Jannat Moldashevalar «Shýhrat» medalimen marapattalǵan. Elimizde jýrnalıster arasynda ótkiziletin «Jyldyń eń úzdik jýrnalısi» baıqaýynda Ázıza Aıqojaeva, Jannat Moldasheva, Gúljamal Baıtóreeva, Arýhan Aqpanbetovalar syılyqqa ıe boldy. «Jyldyń eń úzdik jýrnalısi» baıqaýynyń júldegeri Rústem Tólenov «Eń uly, eń ǵazız» baıqaýynda II oryn ıegeri atanǵan. Aıgúl Teshebaeva Abaıdyń 175 jyldyǵyna oraı Qazaqstan Respýblıkasynyń «Abaı» medalimen marapattaldy.
Arýhan AQPANBETOVA,
«Nurly jol» gazetiniń tilshisi
