Qurmetti jýrnalıster, buqaralyq aqparat quraldarynyń qyzmetkerleri!
Barshańyzdy kásibı merekelerińizben shyn júrekten quttyqtaımyn!
Aqparat salasy – qoǵamdyq pikir qalyptastyratyn mańyzdy sala.
«Halyqtyń kózi, qulaǵy hám tili» retinde elge adal qyzmet etý – ár jýrnalıstiń abyroıly mindeti.
Sizder qashanda ult múddesin bárinen bıik qoıyp, el qamy úshin qalam tartyp júrsizder.
Memleketshildik qundylyqty dáriptep, jasampazdyq pen jaqsylyqtyń jarshysy bolyp kelesizder.
Aqparat salasyn damytýǵa memleket tarapynan qashanda erekshe kóńil bólinedi.
О́z kásibiniń maıtalmany bolǵan qarymdy jýrnalısterge qoldaý kórsetiledi.
BAQ salasyndaǵy dástúrli Prezıdent syılyǵy – sonyń bir kórinisi. Onyń ıegeri atanǵan azamattardyń esimi qazaq jýrnalıstıkasynyń jylnamasyna jazylatyny sózsiz.
Jyl saıyn eń tańdaýly jýrnalısterge beriletin marapat osymen jıyrma besinshi ret tabystalyp otyr. Bul syılyqqa qasterli Táýelsizdigimizdiń 30 jyldyǵy qarsańynda ıe bolýdyń da sımvoldyq máni bar.
Sizder egemendik jyldarynda urpaqtyń boıyna azattyq rýhyn sińirýge zor úles qostyńyzdar.
Men memleket pen qoǵamnyń ortasynda altyn kópir bolyp júrgen jýrnalısterdiń eńbegin joǵary baǵalaımyn.
Árqaısyńyz shynaıy aqparat taratýdyń jaýapkershiligin sezinip, ulttyq múddeniń bıiginen kórine beredi dep senemin.
Sońǵy kezde radıo qyzmetkerleriniń kásibı merekesi joq ekeni jıi aıtylyp júr.
Men Qazaq radıosynyń 100 jyldyǵy aıasynda 1 qazandy Radıo qyzmetkerleri kúni dep resmı túrde bekitken jón dep sanaımyn.
Elimiz berekeli birlik pen yrysty yntymaqtyń arqasynda ósip-órkendeı tússin!
Jýrnalıster jaǵymdy jańalyǵymen jurtshylyqty qýanta bersin!
Barshańyzǵa shyǵarmashylyq shabyt, tolaǵaı tabys tileımin!
Mereke qutty bolsyn!
