Qalam qasıeti qanǵa bitetinin biz kóbine eskere bermeımiz. Shamahaıulynyń shyǵarmashylyǵyna úńilmes buryn onyń arǵy ata-tegin aıryqsha atap ketken durys. О́z jurty da, naǵashy jurty da súıekterine sóz sińgen qarakók tuqym Qýandyq Shamahaıuly dala danalyǵyna jastaıynan qanǵan qalamger. Qazaqtyń qaımaǵy buzylmaǵan qasterli sózin qalamyna serik etken onyń ár jazǵan maqalasynda ult muraty andaǵaılap turar edi.
Qalamy júırik jýrnalıst retinde qoǵamnyń tamyrshysyndaı ótkir máselelerge ózindik kózqarasyn árqashan taısaqtamaı bildirip, tap basyp otyratyn ol únemi shyndyq jaǵynda boldy. Qýandyq qalamy jýrnalıstik jazbalardan bólek, jazýshylyqqa da ónimdi eńbek etti. Onyń órshil minezi, aqty aq, qarany qara deıtin aqıqatshyl ustanymy árqashan daralanyp turatyn.
Minberge eń aldymen óziniń bas paıdasyn emes, ulttyq múddeni birinshi alyp shyǵatyn biregeı jýrnalıst retinde de Qýandyq Shamahaıuly kóp qatarlastarynan qara úzip turatyn.
Belsendiligin eshqashan báseńdetpegen kúıi ol bul fánı jalǵandy bir-aq kúnde tárk etip kete bardy...
Ajalǵa arasha túsken kim bar, Shamahaıulynyń shamyrqanǵan qalamynan endigári qazaqtyń qamyn jeıtin qaısar maqalalar týmaıdy... О́kinishti, orny tolmas qaıǵy! Alaıda onyń sońynda qalǵan eseli eńbekteri el kádesine máńgi jaraı beredi.
