Shyǵys Qazaqstan oblysynyń Rıdder qalasynyń jergilikti turǵyndary Qyzyl kitapqa engen ósimdikti julǵany úshin sottaldy. Rıdder orman sharýashylyǵy aýmaǵynda Razlevanka ózeniniń janynda úsh dos joıylyp ketý qaýpi bar ósimdikterdi kesip tastaǵan.
– Qyzyl kitapqa engizilgen ósimdikterdi zańsyz óndirgeni úshin sot Rıdder qalasynyń turǵyndaryna qatysty aıyptaý úkimin shyǵardy. Jalpy alǵanda sottalǵandar Qyzyl kitapqa engen ósimdikterdiń 250-den astam sabaǵyn kesken, – dedi Rıdder qalalyq probasııa qyzmetiniń bastyǵy Almıra Maıylhanova.
Sottalǵandardyń aıtýynsha, olar «usaq pııazdan» salat jasamaq bolǵan. Alaıda, ósimdiktiń bul túri Qazaqstan Respýblıkasynyń Qyzyl kitabyna engizilgen. ShQO Rıdder qalalyq sotynyń úkimimen jigitter QR QK – niń 339-babynyń 2-bóligi 2-tarmaǵymen qarastyrylǵan-sırek kezdesetin jáne Quryp ketý qaýpi tóngen, sondaı-aq paıdalanýǵa tyıym salynǵan ósimdik túrlerimen, aldyn ala sóz baılasý arqyly adamdar tobymen zańsyz qarym-qatynas jasaǵany úshin sottaldy.
– Sottalǵandar úsh jylǵa bas bostandyǵynan shekteý jazasyna sottalyp, probasııa qyzmetine esepke qoıyldy. Qazirgi ýaqytta esepte turǵan sottalǵandarmen profılaktıkalyq jumys júrgizilýde jáne budan ári probasııa qyzmetiniń baqylaýynda bolady, sondaı-aq qaıta quqyq buzýshylyq jasaǵan jaǵdaıda sottalǵandardyń bas bostandyǵyn shekteý túrindegi jazasy neǵurlym qatań – bas bostandyǵynan aıyrýǵa aýystyrýy múmkin. Bas bostandyǵyn shekteý túrindegi jazany óteý erejeleri sottalǵandarǵa túsindirildi, – dedi Rıdder qalasynyń probasııa qyzmetiniń bastyǵy Almıra Maıylhanova.
