Qazaqstan • 29 Maýsym, 2021

О́tken aptada vaksınalaý qarqyny 1,6 esege artty — DSM

43 ret kórsetildi

QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologııalyq jaǵdaı qaraldy. Halyqty vaksınalaý barysy men qazirgi jaǵdaı týraly densaýlyq saqtaý mınıstri Alekseı Soı, Nur-Sultan qalasynyń ákimi Altaı Kólginov, Batys Qazaqstan oblysynyń ákimi Ǵalı Esqalıev, Atyraý oblysynyń ákimi Mahambet Dosmuhambetov, Mańǵystaý oblysynyń ákimi Serikbaı Trumov baıandady, dep jazady Egemen.kz.

A. Soı atap ótkendeı, Atyraý, Batys Qazaqstan, Qaraǵandy oblystarynda atalǵan óńirlerdiń epıdemıologııalyq táýekeli joǵary aımaqqa nemese qyzyl aımaqqa kóshýine baılanysty qosymsha shekteý sharalary qabyldandy.

«Búgingi kúni egý pýnktterinde vaksına dozalarynyń jetkilikti sany bar: shamamen birinshi komponenttiń 800 myń dozasy jáne ekinshi komponenttiń 1,4 mln dozasy bar. Vaksına jetkizilip jatyr. О́tken aptada vaksınalaý qarqynynyń 1,6 ese, ótken aptada 254 myńnan 405 myńǵa deıin óskenin atap ótken jón», dedi vedomstvo basshysy. 

 

Batys Qazaqstan oblysynyń ákimi Ǵalı Esqalıev sońǵy aptada 585 jańa jaǵdaı anyqtalǵanyn habarlady. О́tken táýlikte 101 jańa jaǵdaı tirkeldi.

Vırýsty juqtyrǵandardy barynsha anyqtaý maqsatynda testileý sany ulǵaıtyldy. Oblystaǵy 13 zerthanada táýligine 2 myńnan astam PTR zertteý júrgiziledi.

Oblys ınfeksııamen aýyrǵandar ósimi bar Reseıdiń 5 óńirimen shekaralas. Reseı shekarasy arqyly kún saıyn oblys boıynsha 2500 astam adam ótedi.

«Qazirgi epıdemıologııalyq jaǵdaıǵa baılanysty oblystyń bas sanıtarlyq dárigeriniń 2021 jylǵy 27 maýsymdaǵy qaýlysyna sáıkes adamdar kóp jınalatyn is-sharalar, ártúrli jármeńkeler ótkizýge tyıym salyndy. Osy jyldyń 1 qańtarynan bastap monıtorıngtik toptar 3 myńǵa jýyq reıd júrgizdi. Onyń barysynda 18 mln-ǵa jýyq teńgege 267 hattama toltyryldy», dedi Ǵ. Esqalıev.

«Ashyq» mobıldi qosymshasy boıynsha 550-den astam kásipkerlik sýbektisi jumys isteıdi. Ereje talaptaryn saqtamaǵany úshin 35 nysan «Ashyq» qosymshasynan alynyp tastaldy. 10 maýsymynan bastap qosymsha arqyly oqshaýlanýǵa tıis 90 kelýshi anyqtaldy.

18 juqpaly aýrýlar stasıonary jumys isteıdi, ondaǵy tósek-oryndardyń tolyǵýy 44,6% quraıdy. Reanımasııalyq tósek-oryndardyń tolyǵýy 54,2%. Rezervte 1400-den astam tósek oryn bar. 

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar