Aýtopsııa nátıjesi Mars atty arystannyń juqpaly aýrýdan ólgenin kórsetken. Sondaı-aq arystannyń ıesi buǵan deıin de veterınarlarǵa júgingen bolyp shyqty. Janýardyń veterınarlyq pasporty, qajetti anyqtamalar, sonyń ishinde profılaktıkalyq sharalar týraly jazbalary bar.
15 maýsymda janýar aýyryp, em-dom sharalaryn veterınarlyq klınıka júrgizgen. Alaıda, 22 maýsymda arystan ólgen. Patalogo-anatomııalyq tekserýden keıin janýardyń denesi mal qorymyna shyǵarylyp, Bekqarı shuńqyryna kómilgen.
Arystan panlıýkopenııa sııaqty juqpaly aýrýdan ólgen bolýy múmkin. Bul - ishektiń, mezenterııanyń jáne ish qýysyndaǵy suıyqtyqtyń kúıine qatysty aýrý.
Eske salaıyq, 25 maýsymda Qaraǵandydaǵy Ortalyq saıabaq aýmaǵynan kómilgen jyrtqysh ańnyń óleksesi tabyldy. Atalǵan jaıt boıynsha QR Qylmystyq kodeksiniń 316-babymen sotqa deıingi tergeý amaldary bastaldy. 28 maýsymda Qaraǵandyda óli tabylǵan arystannyń ıesi anyqtaldy.
