Suhbat taqyryby QR Sybaılas jemqorlyqqa qarsy is-qımyl agenttiginiń aýyl sharýashylyǵy salasyndaǵy sýbsıdııalaýǵa keshendi taldaý júrgizý týraly bastamasyna arnaldy.
Spıker bul bastamany tolyǵymen qoldaıtynyn jáne sýbsıdııalardy bólý máselelerinde ádilettilik pen tártipti ornatýǵa baǵyttalǵany jaıynda pikir bildirdi. Aıta ketý kerek, sońǵy bes jyl ishinde aýyl sharýashylyǵynyń taýar óndirýshilerin qoldaýǵa shamamen 1 trln. teńge bólingen.
Sonymen qatar bul bastamany qoǵamdyq uıymdarmen, saıası partııalarmen jáne azamattyq belsendilermen birlesip iske asyrý qajettigin atap ótti. Osy turǵyda «Aýyl» partııasynyń sharýalardan kelip túsken eskertpeleri men usynystaryn jumys tobyna engizgenin aıtty.
«Sýbsıdııaǵa qatysty problema kóp. Alaıda, keshendi taldaý júrgizý jappaı tekserýge, tergeýge jáne qýdalaýǵa ulaspasa eken degen tilegimiz bar. Sebebi, munda myqty zańgerleri men býhgalterleri joq kishigirim sharýalar ǵana utylady. Jalpy, osy salany retke keltiretin ýaqyt keldi dep esepteımin», dedi Á.Bektaev.
Spıker problemalar týraly aıta kele, búgingi tańda fermerler tap bolatyn úsh negizgi máseleni kórsetti – bul qarjy qarajatynyń jetispeýshiligi, sýbsıdııalar alýdyń kúrdeli sharttary jáne sýbsıdııalar alý sharttarynyń jıi ózgerýi. Mysaly, sońǵy bes jyl ishinde sýbsıdııalar bólý týraly qaǵıdalar men erejelerge 47 ret ózgerister engizildi.
Bul problemalar fermerlerdiń jumysyna aıtarlyqtaı qıyndyqtar týǵyzady. Sondyqtan basty mindet – sýbsıdııa bólý.
