Onyń aıtýynsha, ambýlatorııalyq deńgeıde 3 750 pasıent baqylanýda, KVI aýyr aǵymynyń joǵary qaýpi bar 60 jastan asqan pasıentter erekshe nazarda.
«5 aıdyń ishinde ambýlatorııalyq kezeńde 30 myńnan astam pasıent emdeldi, bul búgingi kúnge deıin ınfeksııalyq stasıonarlardyń júktemesin asa joǵary deńgeıde ustap turýǵa múmkindik berdi. Sondaı-aq biz koronavırýstyq ınfeksııanyń «jasarǵanyn» baıqadyq. 5 aı men maýsymnyń 25 kúnindegi syrqattanýshylyqty taldaǵannan keıin, sáýirmen salystyrǵanda áldeqaıda jas adamdar aýrýhanaǵa jatqyzyla bastaǵanyn kóremiz. 30-40 jastaǵy pasıentter stasıonarlarǵa jıi jatqyzyla bastady. Sáýir aıymen salystyrǵanda, reanımasııaǵa jatqyzylǵan aýyr jaǵdaıdaǵy naýqastar 10 jasqa kishi jastaǵy azamattar. Júkteme 65% - ǵa deıin ósti. Qaıtys bolyp jatqandar da jas. Qorytyndylaı kele, qazirgi ýaqytta KVI klınıkalyq aǵymynda ózgerister bar dep aıta alamyz. Keıde pasıentter KT nátıjesinde ókpeniń 5-10% zaqymdanýymen tússe, 3-4 kúnnen keıin, júrgizilgen emge qaramastan, ókpeniń zaqymdanýy 60-70%-ǵa jetedi. О́kpe zaqymdanýynan basqa, mı, júrek, búırek, asqazan-ishek joldarynyń, býyndardyń, júıke júıesiniń zaqymdanýy sııaqty ókpelik emes sındromdar da bar», dedi dáriger.
