Aýyl • 02 Shilde, 2021

Soltústikte sharýalar jaıylym jer tappaı júr

66 ret kórsetildi

Soltústik Qazaqstan oblysyndaǵy aýyldardyń birinde jaıylymdardyń tapshylyǵynan turǵyndar maldy jappaı joıýǵa májbúr, dep habarlaıdy Egemen.kz.

Jaıylymdardyń joqtyǵynan Berezovka aýylyndaǵy iri qara mal sany birneshe ese azaıǵan. Aýyl turǵyndarynyń aıtýynsha, bul másele jergilikti kásiporyndar jerdi óz qaramaǵyna alǵanynan keıin týyndaǵan.

Aýyl sharýashylyǵy basqarmasy da óńirdegi aýyldardyń jartysynda jaıylym tapshylyǵy bar ekenin aıtady. Berezovka aýylynda shamamen bes júz gektar jer jetispeıdi.

Birneshe jyl buryn Berezovkada jas maldy eseptemegende 200-ge jýyq iri qara mal bolǵan. Qazir 30-ǵa jýyq sıyr qalypty.

«Meniń 10 bas jylqym bar, olardy aýyldan 300 km jerge alyp kettim. Sebebi, jaqyn jerde jaıylym joq. Barlyǵy jyrtylǵan. Jylqylarǵa qysta qandaı jem-shóp beretinimdi bilmeımin», dedi jergilikti turǵyn Sharnııas Rústenov.

Búginde Berezovka aýylynda bes júz turǵyn bar. Maksım Ishýk Petropavldan aýylǵa kóship, mal sharýashylyǵyn damytýdy josparlaǵandardyń biri. Biraq jaıylymdardyń tapshylyǵy fermerdiń josparlaryna kedergi keltirýde. 

«Bir jaǵynan áskerı polıgon bolsa, ekinshi jaǵynan alqaptar eginnen bos emes. Sıyr-buzaý baǵatyn oryn múldem joq. Qoılardy Mamlıýt aýdanyna aparýǵa týra keldi. Sút saýylymy 2 ese tómendedi, sıyrlar salmaǵyn joǵaltty. Aýyl sharýashylyǵyn damytý úshin nesıe alǵym kelgen. Endi ony ne úshin alatynymdy da bilmeı turmyn», dedi Maksım Ishýk.

Sheneýnikter aımaqtaǵy jaıylym tapshylyǵy fermerlerdiń jappaı egin egýge sheshim qabyldaýynan týyndaǵanyn aıtady.

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar