Onda senator Qaırat Qojamjarov Qazaqstan Prezıdentiniń adam quqyqtaryn qorǵaý tetikterin nyǵaıtýǵa baǵyttalǵan bastamasymen qolǵa alynǵan reformalarmen áriptesterin tanystyrdy. Ol atap aıtqanda «Qazaqstan Respýblıkasyndaǵy Adam quqyqtary jónindegi ýákil týraly» zań jobasyna egjeı-tegjeıli toqtaldy.
«Qujatta adam quqyqtary jónindegi ýákil mártebesine, saılaý tártibine jáne onyń qyzmetiniń prınsıpterine erekshe mán berildi. Azamattyń buzylǵan quqyqtaryn qalpyna keltirý jóninde Ýákildiń ókilettikteri aıtarlyqtaı keńeıtilýde, sondaı-aq adam quqyqtary men bostandyqtarynyń buzylýy týraly aqparatty zertteý jáne taldaý fýnksııasy engizilýde», dedi Qaırat Qojamjarov.
Senator Ǵumar Dúısembaev kelesi kúni Ekonomıkalyq máseleler, ǵylym, tehnologııalar jáne qorshaǵan orta jónindegi jalpy komıtet otyrysynyń jumysyna qatysty.
Depýtat óz sózinde qorshaǵan ortanyń jaı-kúıin jaqsartý jáne «jasyl ekonomıkaǵa» kóshý qajettigi máselelerin qozǵady jáne Qazaqstannyń osy baǵytta qabyldap jatqan sharalary týraly aıtyp berdi.
«Qazaqstan Prezıdenti Qasym-Jomart Toqaev «jasyl» ekonomıka reformasyn júzege asyryp keledi. Elimizde jańa Ekologııalyq kodeks qabyldandy. Bul reformalardyń bári ekologııalyq ózekti problemalardy sheshýge jáne qazaqstandyq zańnamany EYDU elderiniń talaptarymen úılestirýge baǵyttalǵan», dedi Ǵumar Dúısembaev.
Ol sondaı-aq BUU Qaýipsizdik Keńesine esep beretin Bıologııalyq qaýipsizdik jónindegi halyqaralyq agenttikti qurý jónindegi Qazaqstannyń bastamasyna qatysýshylardyń nazaryn aýdardy, dep habarlady Senattyń baspasóz qyzmeti.
