Birinshi parlamenttik sessııanyń sońynda Májilis tóraǵasy Nurlan Nyǵmatýlın depýtattyq korpýstyń nazaryn aımaqtardaǵy jumystyń mańyzdylyǵyna aýdardy.
Májilis depýtattary saılaýaldy baǵdarlamalardyń mindetteri jergilikti jerlerde qalaı júzege asyrylyp jatqanyn, óńirlerdiń óndiristik jáne aýylsharýashylyq áleýetin arttyrý úshin qandaı sharalar qabyldanyp jatqanyn, halyqtyń áleýmettik máseleleri qalaı sheshilip jatqanyn taldaýǵa nıetti. Ol úshin Nur Otan, «Aq jol», Qazaqstan halyqtyq partııasy parlamenttik fraksııalarynyń depýtattary, sondaı-aq QHA depýtattyq toby óndiristik nysandardy, densaýlyq saqtaý, bilim berý mekemelerin, sharýa qojalyqtardy aralap, máselelerdi talqylaıdy, ár aımaqqa qatysty, tek oblys ortalyqtarynda ǵana emes, shalǵaı eldi mekenderde de azamattardy qabyldaý ótkizedi.
Sonymen qatar depýtattar qabyldanǵan zańnamalyq jańashyldyqtar týraly aıtady.
Depýtattar barlyq qoıylǵan suraqtardy, usynystardy jáne problemalardy jalpylap, naqty is-sharalar qabyldaý úshin Úkimetke jiberýge, sondaı-aq olardy aldaǵy zań shyǵarý jumystarynda eskerýge nıetti.
Depýtattardyń aımaqtarmen jumysy epıdemıologııalyq jaǵdaı men sanıtarlyq talaptardy eskere otyryp uıymdastyrylatyn bolady.
