QR BǴM baspasóz qyzmetiniń habarlaýynsha, Qazaqstanǵa Ortalyq Azııa elderi arasynda eń kóp 250 bilim grantyn Majarstan bólip otyr. Qytaı – 47, Polsha – 11, Ýkraına – 10, Slovakııa – 3, Ázirbaıjan – 8, Vetnam – 1 grant usynǵan. Granttar bakalavrıat, magıstratýra, doktorantýra jáne rezıdentýra baǵdarlamalary boıynsha bólinedi.
«Áńgimelesý barysynda árbir úmitkerge mamandyq tańdaýǵa degen yntasy men jigeri, teorııalyq bilimi men oqýdaǵy nemese tańdaǵan mamandyǵy salasyndaǵy jetistikteriniń deńgeıin anyqtaý úshin suraqtar qoıyldy. Sondaı-aq biz oılaý logıkasynyń deńgeıin, sóıleý sapasyn, kez kelgen jaǵdaıdaǵy máselelerdi sheshý boıynsha úmitkerlerdiń jeke qasıetteri men daǵdylaryn baǵaladyq. Bilim berý grantyn taǵaıyndaý týraly túpkilikti sheshimdi qabyldaýshy tarap qabyldaıdy», dedi QR BǴM Halyqaralyq baǵdarlamalar ortalyǵynyń prezıdenti Aınur Káribozova.
Úmitkerlerdi depýtattar, sarapshylar, ınjenerlik-tehnıkalyq, medısınalyq, gýmanıtarlyq jáne jaratylystaný ǵylymdarynyń doktorlarynan quralǵan táýelsiz komıssııa iriktedi. Táýelsiz saraptama komıssııasy negizgi jáne rezervtik tizimge shet tilin bilý deńgeıi, bilimi týraly qujattyń ortasha baly jáne áńgimelesýdiń ortasha baǵasynyń jıyntyǵy boıynsha eń joǵary upaı jınaǵan úmitkerlerdi engizdi.
