Densaýlyq saqtaý basqarmasynyń málimetinshe, ótken táýlikte 4 060 adam Covid-19 vaksınasynyń birinshi komponentin aldy. Al ekinshi komponentin - 823 adam ekkizdirip úlgerdi.
«Oblysta koronavırýsqa qarsy vaksınasııa naýqany jalǵasýda. Mamandandyrylǵan jabdyqtarmen jabdyqtalǵan 115 egý kabıneti ashyldy. Vaksınany óńirlerge jetkizý logıstıkasy da pysyqtaldy. Halyqqa egov.kz jáne Damumed jeke kabınetteri arqyly vaksınasııaǵa jazylý qoljetimdi boldy», dep atap ótti Qaraǵandy oblysy Densaýlyq saqtaý basqarmasynyń baspasóz qyzmeti.
Emhanalardaǵy vaksınasııalaý ortalyqtarynan basqa «Taır», «Abzal», «Global City», «Ýmaı», «MBO», «Álem», «GrandStor» sııaqty iri saýda ortalyqtarynda egý kabınetteri ashyldy. Aýyldyq eldi mekenderde halyqty vaksınasııalaý úshin jyljymaly medısınalyq keshender paıdalanylady. О́nerkásiptik kásiporyndarda vaksınasııalaýdy kóshpeli egý brıgadalary júrgizedi, olardyń oblystaǵy sany 45-ten asady.
