Saıasat • 08 Shilde, 2021

Gıbrıdtik formattaǵy kezdesýler

45 ret kórsetildi

Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi bastaǵan qazaqstandyq delegasııa Madrıdte gıbrıdtik formatta ótken Iаdrolyq qarýsyzdaný jáne ıadrolyq qarýdy taratpaý týraly shart (IаQTSh) jónindegi Stokgolm bastamasyna qatysýshy elderdiń kezekti mınıstrlik kezdesýine qatysty.

Muhtar Tileýberdi óz sózinde Stokgolm bastamasynyń kóptegen is-sharalary Qazaqstannyń ıadrolyq qarýsyzdaný jáne taratpaý salasyndaǵy ilgeriletýimen sáıkes keletinin atap aıtty. Bıyl Semeı ıadrolyq polıgonynyń jabylýyna 30 jyl jáne Iаdrolyq qarýdan azat Ortalyq Azııa aımaǵyn qurý týraly shartqa qol qoıylǵanyna 15 jyl tolýyn atap ótip, Iаdrolyq qaýipsizdik pen ıadrolyq qarýdan azat álem úshin jahandyq kóshbasshylar alıansyn qurý jónindegi qazaqstandyq bastamalardy qoldaýǵa jáne ıadrolyq qarýsyz álemge qol jetkizý jónindegi Jalpyǵa ortaq deklarasııa týraly BUU Bas Assambleıasynyń kezekti qararyn qabyldaýǵa shaqyrdy.

Stokgolm tobynyń mınıstrlik kezdesýi aıasynda Muhtar Tileýberdi EQYU-nyń qazirgi Tóraǵasy – Shvesııa Syrtqy ister mınıstriniń m.a. Ann Krıstın Lındemen ekijaqty kelissózder ótkizdi. Taraptar Stokgolmde ótetin uıymnyń mınıstrlik kezdesýi konteksinde Qazaqstannyń EQYU-men ózara is-qımyl máselelerin jáne Qazaqstan men Shvesııa arasyndaǵy yntymaqtastyqty nyǵaıtý joldaryn qarastyrdy. Atap aıtqanda, joǵary deń­geıdegi saıası dıalog, saýda-ekonomıkalyq jáne ınvestısııalyq yntymaqtastyq, «jasyl ekonomıka» jáne COVID-19 saldarymen kúres máseleleri talqylandy.

Sondaı-aq Muhtar Tileýberdi Germanııa Syrtqy ister mınıstri Haıko Maas jáne Iordanııanyń Syrtqy ister jáne ekspat­rıanttar isteri mınıstri Aıman as-Safadımen kezdesti. Taraptar ekijaqty ynty­maq­tastyqty odan ári damytý jáne kóp­jaqty formattaǵy ózara is-qımyl máse­lelerin talqylady.

 

«Egemen-aqparat»

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar