Koronavırýs • 08 Shilde, 2021

Vıse-mınıstr Hayat-Vax pen CoronaVac vaksınalary azaıǵanyn aıtty

116 ret kórsetildi

Densaýlyq saqtaý mınıstriniń birinshi orynbasary Marat Shoranov Hayat-Vax jáne CoronaVac vaksınalarynyń tapshylyǵy týraly pikir bildirdi, dep habarlaıdy Egemen.kz.

«Hayat-Vax jáne CoronaVac vaksınalaryn Qazaqstanǵa shekteýli kólemde jetkizgenbiz. Eń basynan bastap partııalardyń bárin dál ortasynan bólip jartysyn birinshi komponentine, jartysyn ekinshi komponentine saqtap otyrmyz. Qazirgi kezde Hayat-Vax-tyń birinshi komponentiniń qaldyǵy 13 myńdaı. Qazaqstan boıynsha 486 myńnan astam adam ekpesin aldy. Sol sebepten ekinshi komponenttiń vaksınalary medısınalyq mekemelerdiń, uıymdardyń qoımalarynda saqtaýly tur. Hayat-Vax jáne CoronaVac-tyń birinshi komponentin alǵan azamattar ekinshi ekpesin sol mekemelerden ala alady. Elimizdiń biraz qalalarynda rasynda da vaksına biteıin dep qaldy», dedi vıse-mınıstr ortalyq kommýnıkasııalar qyzmetinde.

Marat Shoranov atalǵan vaksınalardyń qosymsha partııasyn ákelý máselesin sheshý úshin kelissózder júrgizip jatqanyn da atap ótti.

«Biz bul vaksınalardy bir mezgil kelisimshartpen alyp kelgenbiz. Qazir kelissóz prosesi júrip jatyr. Sheshimi zaýyttyń óndiristik kólemine jáne kelisimsharttaryna baılanysty. Biz naqty merzimin belgileýge tyrysamyz», dedi mınıstrdiń birinshi orynbasary.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar