Densaýlyq saqtaý mınıstri A.Soı koronavırýs ınfeksııasy boıynsha syrqattanýshylyq kórsetkishiniń ósýine baılanysty barlyq óńirler kúsheıtilgen shekteý sharasyn qabyldaǵanyn atap ótti. Bul rette sońǵy 2 aptada Mańǵystaý oblysynda COVID-19 ınfeksııasyn juqtyrý jaǵdaılarynyń 2,7 ese, Aqtóbe oblysynda 2,1 esege artqany baıqalady. Vıse-premer atalǵan óńirlerde KVI-men aýyrýdyń artýy halyqty vaksınalaýdyń tómen qarqynymen tikeleı baılanysty ekenin atap ótti. Máselen, Mańǵystaý oblysynda tıisti kontıngentten halyqtyń nebári 19,7%-y, Aqtóbe oblysynda – 31,4%-y, Batys Qazaqstan oblysynda 31,6%-y ekpe saldyrǵan.
VAK tóraǵasy halyqty vaksınalaýdyń paıdasy men tıimdiligi týraly aqparattyq-túsindirý jumystaryn kúsheıtýdi tapsyrdy. Sondaı-aq ásirese, Almaty, Mańǵystaý jáne Aqtóbe oblystarynda karantındik rejimdi saqtaýdy baqylaý jónindegi monıtorıng toptarynyń jumys belsendiliginiń jetkiliksiz ekeni aıtyldy. Otyrys sońynda Premer-Mınıstrdiń orynbasary halyqty koronavırýs ınfeksııasyna qarsy vaksınalaýmen qamtýdy ulǵaıtý qajettigin tapsyrdy.
«Egemen-aqparat»
