Is-sharany kirispe sózben ashqan akademııa prezıdent-rektory, Qazaqstan Ulttyq jaratylystaný ǵylymdary akademııasynyń akademıgi, professor Erenǵaıyp Omarov Qazaqstan táýelsizdigimen birge túlegen tuńǵysh Qaınar akademııasyna da 30 jyl tolyp otyrǵanyn aıtyp, joǵary oqý ornynyń atqaryp jatqan qyzmetine qysqasha toqtalyp ótti.
«Qaınar akademııasy óziniń qurylýy men damýy barysynda joǵary bilimdi bilikti kadrlarmen qamtamasyz etýde eleýli úles qosyp keledi. Ashylǵaly beri oqý ordasynyń qabyrǵasynan 30 myńǵa jýyq túlek túlep ushty. Olar mádenıet, bilim men ǵylym, ekonomıka salalarynda jáne basqarý uıymdarynda jemisti eńbek etip jatyr. Mektepten akademııaǵa deıingi úzdiksiz bilim berý deńgeıin qalyptastyrý maqsatynda akademııa janynda «Bakalavrıat» orta mektebi men «Qaınar» kolledji jumys isteıdi. Bolon úderisine ún qosyp, álemdik bilim men ǵylym talaptaryna saı bolý úshin bilim ordasy álemniń aıtýly 60-tan astam ýnıversıtetimen kelisimshart jasasyp, halyqaralyq yntymaqtastyqty damytý aıasyndaǵy birlesken jobalardy iske asyryp keledi. Akademııa ǵalymdary 30 jyl ishinde ekonomıka, zań, til bilimi, pedagogıka pen psıhologııa, shet tilderi, jýrnalıstıka men ınformatıka salalary boıynsha 1 myńǵa jýyq monografııalyq eńbekter, oqýlyqtar, oqý-ádistemelik quraldar men elektrondy oqý basylymdaryn jazdy. Munyń ózi joǵary oqý ornynyń professor-oqytýshylyq quramynyń áleýeti joǵary ekenin ańǵartsa kerek. Al búgin tanystyrylymy ótkeli turǵan jańa kitaptar da ýnıversıtettik bilim berý talaptar údesinen shyǵatyn qundy eńbekter dep senimdi túrde aıtýǵa bolady», dedi rektor.
Akademııanyń ǵylymı jumystary boıynsha prorektory, UǴA-nyń qurmetti akademıgi, ekonomıka ǵylymdarynyń doktory, professor Ábdijapar Saparbaev rektor tilge tıek etken akademııa ǵalymdarynyń 30 jyl ishinde daıyndaǵan eńbekterine qysqasha sholý jasap, bilim berýdiń ártúrli baǵyttaryna arnalǵan jańa kitaptardyń mazmunyna erekshe toqtaldy.
«Qaınar akademııasynyń irgetasy qalanǵaly beri munda elimizdiń áıgili ǵalymdary men pedagogteri eńbek etip, ózderiniń ǵylymı muralaryn kópshilikke usyndy. Atap aıtqanda, fılologter Sh.Sarybaev, О́.Aıtbaev, N.Oralbaeva, K.Qurmanálıev; zańgerler E.Qaıyrjanov, M.Baımahanov, Z.Ashıtov; ekonomıster Iа.Áýbákirov, A.Qoshanov, Á.Saparbaev; tarıhshylar J.Ibrashev, K.Hafızova, T.Tileýov; fılosoftar J.Ábdildın, A.Nysanbaev, A.Qasymjanov; pedagogter men psıhologter A.Ahmetov, S.Jaqypov, H.Sherıazdanova, S.Uzaqbaeva, Z.Madalıeva, M.Perlenbetov jáne ózge de kóptegen ǵylym men bilimniń ókilin atap ótýge bolady. Ǵylymı-zertteý jumystaryn júrgizýde, ǵylymı monografııalar men oqýlyqtar jazyp, olardy shyǵarýda akademııanyń zııatkerlik jáne kadrlyq áleýeti zor. Ujymymyzda jumys isteıtin qazaqstandyq belgili ǵalymdar sońǵy jyldary kóptegen ǵylymı monografııa men oqýlyqty jaryqqa shyǵarý isinde belsendilik tanytyp júr. Olar: tarıh jáne órkenıet teorııasy men ulttyq tarıh salasynda E.Omarov, G.Qádirqulova, T.Tileýov; ekonomıka, qarjy jáne menedjment boıynsha Á.Saparbaev, S.Ábdibekov, K.Syzdyqova, G.Qalıákparova, E.Grıdneva; quqyq salasynda B.Qalaǵanov, N.Apahaev; tilder jáne qazaq fılologııasynda G.Muhametqalıeva, A.Qurmanálıeva, F.Sámetova, G.Baltabaeva, A.Muhtarova; pedagogıka men psıhologııada S.Omarova, M.Perlenbetov, L.Kómekbaeva, O.Fedorovıch, M.Erkinbekova jáne basqalar. Keleshekte de akademııanyń professor-oqytýshylary ǵylymı monografııalar men oqýlyqtar jazýdan qol úzbeı, qalyptasqan ıgi dástúrdi ári qaraı jalǵastyratynyna senimimiz mol» deı kele, akademık Ábdijapar Jumanuly jańa oqý jylynda jaryq kóretin ǵylymı monografııalyq eńbekterdiń josparymen de tanystyra ketti.
Is-sharaǵa Nur-Sultan qalasynan arnaıy kelip qatysqan Qazaqstan Ulttyq jaratylystaný ǵylymdary akademııasyn vıse-prezıdenti (QazUJǴA), UǴA akademıgi, fılologııa ǵylymdarynyń doktory, professor Kárimbek Qurmanálıev Qaınar akademııasynyń ǵalymdary QazUJǴA akademııasynyń belsendi músheleri ekenin aıta kelip, qos akademııa ǵalymdarynyń birlesip oryndaǵan ǵylymı jobalary, zertteýleri jáne monografııalyq eńbekteri qazaqstandyq ǵylymdy odan ári damytýǵa qosqan súbeli úlesi dep baǵalady.
Kitaptar tusaýkeserinde sóz alǵan «Qazaq psıhologııalyq qoǵamy» respýblıkalyq qoǵamdyq birlestiginiń prezıdenti, psıhologııa ǵylymdarynyń doktory, professor Muqan Perlenbetov pen professorlar Saltanat Omarova jáne Baqytbek Qalaǵanov ǵalymdardyń jańa týyndylaryn joǵary baǵalap, bilim alýshylardyń kádesine jarar qundy kitaptar ekenin aıtty.
Tusaýkeser rásimin qorytyndylaǵan Qaınar akademııasynyń prezıdent-rektory Erenǵaıyp Omarov Qazaqstan Táýelsizdiginiń 30 jyldyǵyna oraı akademııa ǵalymdary shyǵarǵan 1000 kitap Ulttyq kitaphanasyna tartý etiletinin málim etti.
Is-shara Akademııa uıymdastyrǵan «Bilim sapasyn qamtamasyz etýdegi zamanaýı trendter» atty halyqaralyq ǵylymı-tájirıbelik konferensııaǵa ulasty.
Faýzııa SAMETOVA,
fılologııa ǵylymdarynyń
kandıdaty, professor
