Aımaqtar • 09 Shilde, 2021

Oralda er adamdy poıyz qaǵyp ketti

471 ret kórsetildi

Oralda poıyz er adamdy qaǵyp ketti, dep habarlaıdy Egemen.kz.

BQO densaýlyq saqtaý basqarmasynyń baspasóz hatshysy Aınagúl Saqposynovanyń málim etkenindeı, búgin túngi saǵat 01.56-da jedel járdemge qońyraý shalynyp, Derkól aýylynda er adamdy poıyz qaǵyp ketkeni jóninde habar túsken.

«Oqıǵa ornynan orta jastaǵy er adam oblystyq kópbeıindi aýrýhanaǵa jetkizildi. Ol oqıǵa saldarynan eki aıaǵynan aıyryldy. Qazirgi kezde jaǵdaıy aýyr, jansaqtaý bóliminde», dedi A.Saqposynova.

QR IIM Kóliktegi polısııa departamenti baspasóz qyzmetiniń naqtylaýynsha, oqıǵa «Taýarly Kardon» aınalymynda bolǵan. Atalǵan derek QR QK 344-baby 1-bóligi, ıaǵnı temirjol kóligi qozǵalysynyń qaýipsizdik qaǵıdalaryn buzý boıynsha Oral stansııasyndaǵy jelilik polısııa bóliminiń sotqa deıingi tergep-tekserýdiń biryńǵaı tiziliminde tirkeldi. Qazir tergeý amaldary júrgizilýde. Bul is boıynsha basqa aqparat QR Qylmystyq is júrgizý kodeksiniń 201-baby talaptaryna sáıkes tergeý múddesine oraı jarııalaýǵa jatpaıdy.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar