Aımaqtar • 09 Shilde, 2021

Jalǵan vaksınasııa pasportyn jasaǵan týrıstik kompanııa anyqtaldy

263 ret kórsetildi

Ishki ister mınıstrligi jalǵan PTR testisi men vaksınasııa pasportyn jasaý faktilerin anyqtady, dep habarlaıdy Polisia.kz.

Qazirgi ýaqytta halyqtyń densaýlyǵyn saqtaý Úkimetiniń ózekti baǵyttarynyń biri bolyp tabylady. Covid-19 koronavırýstyq ınfeksııasy jáne onymen baılanysty jaǵdaılar barlyq salalarǵa aıtarlyqtaı ózgerister engizdi. Memleket basshysy Qasym-Jomart Toqaev koronavırýspen kúresýdiń birden-bir ári senimdi joly vaksına salý ekenin atap ótti.

PTR–testterdi qoldan jasaý jáne paıdalaný faktileri boıynsha Ishki ister mınıstrligi óz quzireti sheginde qajetti sharalar qabyldaýda. Keıbir azamattar qazirgi jaǵdaıdy paıda tabý úshin paıdalanady, PTR testileý nátıjeleri men vaksınasııa pasportyn qoldan jasaıdy, osylaısha koronavırýstyń taralýyna septesedi.
 
Jyl basynan beri ishki ister organdary PTR-testileý nátıjeleri men vaksınasııa pasporttaryn qoldan jasaýdyń, sondaı-aq olardy paıdalanýdyń 30 jaǵdaıyn tirkedi.
 
Mysaly, Almaty qalasynda qajylardyń Saýd Arabııasy Koroldigine ketýin rásimdeý kezinde vaksınasııalaý pasporttaryn (143 pasport) jappaı daıyndaýǵa qatysy bar týrıstik kompanııa anyqtaldy.
 
Sotqa deıingi tergeý júrgizilýde, tintý is-sharalary barysynda uıymdastyrý tehnıkasy, mórler, blank ónimderi alyndy, sot saraptamalary taǵaıyndaldy.
 
Eske sala keteıik, jalǵan qujat daıyndaǵany úshin 4 jylǵa deıin bas bostandyǵynan aıyrý, al ony paıdalanǵany úshin 40 táýlikke deıin qamaýǵa alý túrindegi qylmystyq jaýapkershilik qarastyrylǵan.
Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar