Almaty turǵyndary Aqjar kentindegi aýyz sý qubyry máselesi boıynsha narazylyqtaryn bildirýde. Olardyń aıtýy boıynsha aryqtan aqqan sý ishýge jaramsyz.
Naýryzbaı aýdanynyń ákimdigi buny jańa sý qubyrlaryn ótkizý qabiletiniń azdyǵymen baılanystyrady.
«Naýryzbaı aýdanynyń JPÝ kúshimen «Almaty sý» MKK sýmen jabdyqtaýdaǵy máselelerdi joıýǵa baǵyttalǵan is-sharalar keshenin júrgizýde. Sý bolmaǵan kezde turǵyndarǵa sýdy arnaıy tehnıkamen jetkizý uıymdastyrylatyn bolady. Sýdy jetkizýge ótinim berý úshin turǵyndar myna telefondar arqyly habarlasa alady: +7 (747) 795-95-96, +7 (701) 995-88-92», dep túsindirdi ákimdiktegiler.
Sondaı-aq turǵyndardy sýmen úzdiksiz qamtamasyz etý úshin shaǵyn aýdandarda da jumystar júrgizilýde. Aqjar «Almaty qalasynyń energııa tıimdiligi jáne ınfraqurylymdyq damý basqarmasy» KMM tapsyrysy boıynsha ınjenerlik kommýnıkasııalar (sý qubyry jáne káriz) qurylysy boıynsha keshendi is-sharalardy, onyń ishinde súzgi stansııasyn qaıta jańartý men jańa ınjenerlik jelilerdi salý jumystary jalǵasýda. Qurylys jumystarynyń aıaqtalýy aǵymdaǵy jyldyń jeltoqsan aıyna josparlanyp otyr.
