Saıasat • 12 Shilde, 2021

«Elbasy jylýy» is-sharasynyń ekinshi kezeńi bastaldy

37 ret kórsetildi

El óńirlerinde «Elbasy jylýy» aýqymdy qaıyrymdylyq is-sharasynyń ekinshi kezeńi bastaldy. Ol Qazaqstannyń Tuńǵysh Prezıdenti – Elbasy Nursultan Nazarbaevtyń bastamasymen uıymdastyrylǵan.

Is-sharanyń maqsaty – az qamtylǵan kópbalaly jáne erekshe kútimdi qajet etetin balalary bar otbasylarǵa kómek kórsetý. Olarǵa un, kartop, jemis, kúrish, qaraqumyq, shaı, qant, kúnbaǵys maıy sııaqty azyq-túlikter, gıgıenalyq zattar jáne basqalar jetkizip beriledi. Qaıy­rymdylyq aksııasyna ilikken ár otbasy 130 kılogramǵa deıin taýar ala alady.

Aıta keteıik, bul is-shara ekinshi ret ótkizilip otyr. Ol alǵash ret osy jyldyń sáýirinde uıymdastyrylǵan edi. Ol kezde azyq-túlik ónimderi jáne asa qajet basqa da taýarlardy Mańǵystaý, Shyǵys Qazaqstan, Aqmola, Soltústik Qazaqstan, Almaty jáne Túrkistan oblystarynan 681 otbasy alǵan.

Bul joly qaıyrymdylyq is-sharasy Taraz, Taldyqorǵan, Oral qalalarynda, sondaı-aq Almaty jáne Aqmola oblystarynda turatyn 1 000 otbasyny qamtıdy.   

– Muqtaj jandarǵa kómek kórsetýge umtylý – halqymyzǵa tán qasıet. Koro­navırýs pandemııasy bizdiń qoǵam­da qaıyrymdylyq bastamalaryn júzege asyrýǵa daıyn jandardyń kóp ekenin taǵy bir ret kórsetti. Ondaı adam­dar­dyń qataryna «Degdar» qorynyń qyz­metkerlerin, LIDER KZ eriktiler qozǵa­lysynyń múshelerin jatqyzýǵa bolady. Olar Nursultan Nazarbaev Qorymen birge aımaqtarda «Elbasy jylýy» is-sharasyn uıymdastyrýǵa kómek­tesip júr, – deıdi Nursultan Nazarbaev Qory atqarýshy dırektorynyń orynbasary Álkeı Marǵulanuly.      

Onyń aıtýynsha, «Elbasy jylýy» – koronavırýs pandemııasynan zar­­­dap shekkenderge qoldaý kórsetýge ba­ǵyttalǵan bastamalardyń biri. «Tuń­ǵysh Prezıdenttiń bastamasymen qu­ryl­­ǵan Birgemiz qorynyń jumysy bary­syn­da mıllıondaǵan jerlesimiz qar­jy­­laı da, azyq-túlik túrinde de kómek alyp, medısınalyq zattarmen qam­tyldy. Nursultan Nazarbaev Qory qatań ka­ran­tınniń alǵashqy kúnderinen-aq medı­sınalyq zattar satyp alýǵa, medısına qyzmetkerlerin qoldaýǵa 200 mıllıon teńge bóldi. Sodan keıin Qor emdeý meke­melerine koronavırýs ınfeksııasynan qorǵanatyn medısınalyq quraldardy, ókpeni jasandy tynystandyrý (О́JT) apparattaryn alyp berdi».

«Degdar» qorynyń dırektory Laýra Ahmetova osy is-shara týraly bylaı dedi: «Jobanyń birinshi kezeńi onyń mańyzy zor ekenin kórsetti. Adamdar bizdiń kómegimizdi alǵystaryn jaýdyra otyryp qabyl aldy.

Bizdiń halqymyz qashanda bir-birine qolǵabys jasaý dástúrimen myqty. Nursultan Nazarbaev Qory men «Degdar» qorynyń bastamasy elimizdegi kóptegen  qaıyrymdy jannyń ıgi isi arqyly jal­ǵasyn tabady dep senemin».

Sońǵy jańalyqtar

Bar jaqsymyz – balalarǵa

Qazaqstan • Keshe

Adam quqyǵyn qorǵaýdaǵy jańa beles

Referendým-2022 • Keshe

Akademıktiń algorıtmi

Ǵylym • Keshe

Erdi syılar el qaıda?

Qoǵam • Keshe

Altyn qyz

Sport • Keshe

Talant pen talap

Ádebıet • Keshe

Tarıhı tanym taǵylymy

Tarıh • Keshe

Ádebı ómirdegi áıelder

Rýhanııat • Keshe

Uqsas jańalyqtar