Aımaqtar • 12 Shilde, 2021

Májilis depýtattary aýyl turǵyndarymen kezdesti

48 ret kórsetildi

Májilis depýtattary Dúısenbaı Turǵanov jáne Nurlybek Ojaev Atyraý oblysynyń Isataı aýdanyna jumys saparymen bardy, dep habarlaıdy Egemen.kz.

Qos depýtat 2022 jyldyń sońyna deıin aıaqtalýǵa tıis Atyraý-Astrahan kúre jolynyń qurylysymen tanysty. Pandemııa kezinde jol salý jumystary toqtamaǵanymen, jergilikti turǵyndardyń aıtýynsha, qurylys baıaý júrýde. Májilis depýtattary osy máseleniń jaı-japsarymen tanysyp, qurylys jumystaryn júrgizip jatqan mekeme ókilderimen júzdesti. Aıta ketý kerek, qazir 277 shaqyrym joldyń 53%-dan astam bóligi aıaqtalǵan.

«Qazirgi ýaqytta el ishi qaýipti indetten zardap shegip otyrǵanda, jol salý jumystarynyń toqtamaı júrgizilýi kóńilge qýanysh uıalatady. Dese de, bul másele halyqtyń kóp jyldan beri kútkeni, ábden shynbaıynan ótkeni de belgili. Sebebi, jol – elmen eldi, aýylmen aýyldy jalǵaıtyn negizgi kórsetkishtiń ajyramas bóligi. Sol úshin de mańyzy men máni bıik osy jol qurylysynyń sapaly júrgizilip, ýaqytyly aıaqtalýy basty nazarda bolady», dedi májilis depýtaty Nurlybek Ojaev.

Sapar barysynda halyq qalaýlylary Isataı aýdanynyń ortalyǵy Aqqystaý aýylynda turǵyndarmen júzdesip, olardyń ótinish-tilekterin tyńdady. Turǵyndar ekologııalyq máselelerdi ortaǵa salyp, usynystaryn da jetkizdi. Qazir aýdan sý tapshylyǵynyń saldarynan qıyndyq kórip otyr. О́ıtkeni, jaıylym men shabyndyqqa sý shyqpaı, tórt túliktiń jaǵdaıy qıyndaǵan. Odan bólek, Kaspıı teńizi deńgeıiniń tómendeýine baılanysty qalyptasqan qıyndyqtar da aıtyldy. Májilis depýtattary atalǵan máselelerdiń oń sheshilýine kúsh salatyndaryn jetkizdi.

Odan ári depýtattar Janbaı aýylyna arnaıy at basyn buryp, turǵyndarmen kezdesti. Janbaılyqtar ózderin tolǵandyrǵan túıtkildi máselelerin ortaǵa saldy. Halyq qalaýlylary ár máseleniń ýaqytyly sheshim tabatynyn aıtty.

Sońǵy jańalyqtar

Parlament depýtattary kanıkýlǵa ketti

Parlament • Búgin, 10:56

Beısenbige arnalǵan aýa raıy boljamy

Aýa raıy • Búgin, 09:55

Álemde COVID-19 juqtyrý deregi kúrt ósti

Koronavırýs • Búgin, 09:28

Asýdyń qarsylasy anyqtaldy

Sport • Búgin, 08:39

Qatarynan 18 ret jeńildi

Sport • Búgin, 08:37

Býblık pen Rybakına qaldy

Sport • Búgin, 08:35

Qııardan mol ónim alady

Aımaqtar • Búgin, 08:34

Sıfrlandyrýda oń ózgerister bar

Tehnologııa • Búgin, 08:30

AITV ınfeksııasyn anyqtady

Medısına • Búgin, 08:25

Jetesovter áýletiniń jeke konserti

О́ner • Búgin, 08:23

Bul tańdaýdyń máni tereńde

Qazaqstan • Búgin, 08:08

Birlik pen kelisimniń úlgisi

Qazaqstan • Búgin, 08:05

Qos jobany qaıta qaraý qajet

Qazaqstan • Búgin, 08:00

Uqsas jańalyqtar