Nur-Sultanda PTR testileýden ótkeni týraly jalǵan anyqtama satyp júrgen tulǵalar anyqtalýda. Shildeniń basynan beri qoldan jasalǵan anyqtama satýdyń 2 jaǵdaıy tirkeldi.
«Astana saqshylary medısınalyq ortalyq dırektoryn ustady. Ol aýrý juqtyrmaǵany týraly jalǵan PTR testileý anyqtamasyn berýmen aınalysty degen kúdikke ilinip otyr. Ortalyq basshysynyń zańsyz anyqtama úshin klıentterden 6 myń teńgeden alǵany anyqtaldy. Qazirgi tańda polısııa PTR-testileýden ótkeni týraly anyqtamany zańsyz alǵan tulǵalardyń sanyn anyqtap jatyr», dedi Ishki ister mınıstrliginiń baspasóz ókili Shuǵyla Turlybek.
Onyń aıtýy boıynsha, elimizde osy kúni PTR-test qujattaryn shetelde otyryp-aq satatyn adamdar paıda bolǵan.
«Polısııa qyzmetkerleri elden tys aýmaqta bola turyp, vırýs juqtyrmaǵany týraly PTR-test anyqtamasynyń elektrondy nusqasyn jasap, 5500 teńgege satqan qazaqstandyqty anyqtady. Anyqtamalardy «Telegram» messendjeri arqyly jiberip otyrǵan. Atalǵan oqıǵa boıynsha qujat daıyndap satqany úshin qylmystyq is qozǵaldy. Polısııa ókilderi medısına ortalyqtaryn, emhanalar men PTR-test beketterin astana turǵyndaryna jalǵan qujat berý faktisine tekserip jatyr», dedi Ishki ister mınıstrliginiń baspasóz ókili.
