Polısııa qyzmetkerleri jedel-izdestirý is-sharalaryn júrgizý kezinde áıel men onyń kámeletke tolmaǵan balalaryn óltirdi degen kúdiktini ustady.
Oblystyq polısııa departamenti baspasóz qyzmetiniń málimetinshe, qylmysqa qatysty zattaı dáleldemeler men qylmys quraly tárkilengen.
«Tergeý barysynda polısııa kúdiktiniń mert bolǵan áıelmen tanys ekenin anyqtady. 11 shildede túngi saǵat 03.00 shamasynda olardyń arasynda janjal shyǵyp, 36 jastaǵy qala turǵyny 35 jastaǵy áıelge birneshe pyshaq jaraqatyn salǵan. Shý kezinde balalar oıanyp ketken. Er adam olardy da birneshe ret pyshaqpen urǵan», dep túsindirdi departamentte.
Kúdikti Aqsý qalasynyń ýaqytsha ustaý ızolıatoryna qamaldy. Sotqa deıingi tergeý Qazaqstan Respýblıkasy QK 99-baby 2-bóligi 1-tarmaǵy jáne 99-baby 3-bóligi boıynsha júrgizilýde.
Eske sala ketsek, 12 shilde kúni saǵat 11.40-ta Aqsý qalasyndaǵy páterlerdiń birinen zorlyq-zombylyq belgileri bar áıel men 7 jáne 5 jastaǵy kámeletke tolmaǵan balalardyń máıiti tabylǵan bolatyn.
