Kólikti qaıta tirkeýdi resimdeı otyryp, klıent sol jerde saqtandyrý polısin satyp ala alady. Endi basqa qyzmet kórsetý terezelerine kezekke turýdyń nemese «deldaldardan» saqtandyrý polısin resimdeýdiń qajeti joq.
Jańa qyzmet týraly Ortalyq kommýnıkasııalar qyzmetiniń brıfınginde «Azamattarǵa arnalǵan úkimet» korporasııasy basqarma tóraǵasynyń birinshi orynbasary Súıenish Ábdildın baıandap berdi.
«Mamandandyrylǵan HQO operatorlarymen kólik ıelerin saqtandyrý qyzmeti ádette mamandandyrylǵan HQO-larda klıentterge óz múddesi úshin qyzmetterin usynatyn «kómekshilerge» klıentterdiń shaǵymdarymen baılanysty mindetterdi sheshýge kómektesedi. Eger pılottyq joba sátti iske asyrylatyn bolsa, biz elimizdiń basqa mamandandyrylǵan HQO-larynda da saqtandyrý qyzmetin engizemiz», dedi Memlekettik korporasııa tóraǵasynyń birinshi orynbasary Súıenish Ábdildın.
Klıentterge kólikti qaıta tirkegennen keıin aqparattyq júıeleri bir-birimen yqpaldastyrylǵan saqtandyrý uıymyn tańdaý usynylady. Aǵymdaǵy kezeńde «Evrazııa» saqtandyrý kompanııasymen kelisim júzege asyrylǵan. Pılottyq joba iske qosylǵan sátten bastap 300-den astam azamattyq-quqyqtyq jaýapkershilik sharty jasaldy.
«Egemen-aqparat»
