Senator Dúısenǵazy Mýsın Shyǵys Qazaqstan oblysyna saparpy barysynda, oblystyq máslıhatynyń basshylyǵymen kezdesip, zań jobalaryn sapaly pysyqtaý jáne jergilikti jerlerdegi problemalardy júıeli sheshý úshin birlesken jumys qajet ekenin atap ótti.
4-shi deńgeıdegi bıýdjetti ıgerý jáne aýyldyq aýmaqtardy damytý problemalary osyndaı máselelerdiń biri bolyp otyr. Dúısenǵazy Mýsın oblystyq ekonomıka jáne bıýdjettik josparlaý basqarmasynyń qyzmetkerlerimen kezdesý barysynda qalyptasqan jaǵdaıdy sheshý joldaryn talqylady.
Senator sondaı-aq Rıdder qalasynda bolyp, onda iri orman órtinen zardap shekken turǵyndarǵa arnalǵan úı qurylysynyń barysymen tanysty. Qurylystyń sapaly bolýyna erekshe nazar aýdaryp, 32 turǵyn úıdiń qurylysy joǵary qarqynmen júrip jatqanyn atap ótti.
Depýtat qalanyń áleýmettik mańyzy bar nysandarynyń qurylys alańdarynda da boldy.
D.Mýsın qala ákimimen kezdesý barysynda Semeı qalasynyń áleýmettik-ekonomıkalyq damýynyń negizgi máselelerin talqylady. Halyqpen kezdesý kezinde kóterilgen barlyq máseleler zań shyǵarý qyzmetinde paıdalanylatynyn atap ótti.
