Aımaqtar • 13 Shilde, 2021

Jumysshy áıelder zeınet jasyn tómendetýdi usyndy

69 ret kórsetildi

Májilis depýtattary, Nur Otan partııasy fraksııasynyń músheleri Qaınar Abasov pen Syrym Ertaev Túrkistan oblysyndaǵy Kentaý transformator zaýytynyń jumysshylarymen kezdesti, dep habarlaıdy Egemen.kz.

Kentaý transformator zaýytynyń jumysshylarymen kezdesýde Májilis depýtattary ónimniń 40% eksporttalatyn kásiporyn úshin ózekti máselelerdi talqylady.

Basqarma tóraǵasy Haırolla Qojabaevtyń aıtýynsha, memleketten jańa jabdyq satyp alýǵa jeńildetilgen nesıe alý monoqalalardy damytý baǵdarlamasy boıynsha 1%-ben nesıe alý óndiristik qýatty arttyrýǵa múmkindik berer edi.

Májilis depýtattary kásiporyndarǵa kórsetiletin memlekettik qoldaýdyń, onyń ishinde pandemııanyń ekonomıkalyq saldaryn eńserý, sonymen qatar otandyq óndirýshilerdi qoldaýdyń zańnamalyq normalarynyń mańyzdylyǵyn atap ótti. 

Nur Otan partııasynyń saılaýaldy baǵdarlamasynda belsendi eksporttaýshy kompanııalardy 400-den 1000-ǵa deıin ulǵaıtý kózdelgen. Osyǵan baılanysty, shıkizattyq emes eksport eki esege artady dep kútilýde.

«Pandemııa saldarynan toqtap qalǵan kásiporyndarǵa memlekettik qoldaý kórsetý erekshe mańyzdy. Nesıe berý máselesi Parlamentte talqylanyp, usynystar Úkimetke jiberiletin bolady», dedi Májilis depýtaty Syrym Ertaev.

Májilismender kásiporyn qyzmetkerleriniń áleýmettik suranystaryn sheshý máselesine de nazar aýdardy. Atap aıtqanda, jumysshylar jalpy óndiriste jumys isteıtin áıelderdiń zeınetkerlik jasyn tómendetý týraly usynystar aıtyldy.

Eksportqa baǵdarlanǵan kásiporyndardy qoldaý – Nur Otan partııasynyń saılaýaldy baǵdarlamasynyń basym mindetteriniń biri.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar