Saıasat • 14 Shilde, 2021

samğau – birlesken jastar jobasy

21 ret kórsetildi

Aqparat jáne qoǵamdyq damý mınıstrliginiń «Jastar» ǵylymı-zertteý ortalyǵy Samğau baǵdarlamasyn júzege asyrýǵa qatysady. Baǵdarlamanyń basty baǵyttary – synı oılaýdy, topta jumys isteı bilýdi, kreatıvtilikti, Qazaqstan jasóspirimderi men jastarynyń daǵdylaryn damytý.

Baǵdarlamanyń bastamashylary – BUU Balalar qory (UNICEF) jáne Eńbek jáne halyqty áleýmettik qorǵaý mınıstrligi.

Samğau (Upshift) baǵdar­lamasy jastardyń áleýmettik osal bóliginiń, sonyń ishin­de NEET sanatyndaǵy jas­tardyń múmkindikterin ke­ńeıtýge ba­ǵyt­talǵan. Bú­ginde joba eli­mizdiń alty óńirinde Jastar re­sýrstyq ortalyqtarynyń (JRO) negizinde júzege asyrylýda. Sondaı-aq ómirlik mańyzy bar daǵdylardy oqytý boıynsha 30-dan astam semınar, 2 onlaın býtkamp ótkizildi. Buǵan qosa, baǵdarlama aıasynda 13 komanda shaǵyn granttar alyp, óz jobalaryn júzege asyrýda.

«Jaqynda Qarqaraly aýda­­nynyń jastary arasynda bizdiń JRO bazasynda bıznes negizderi, áleýmettik kásipkerlik, taım-menedjment, synı, shyǵar­mashylyq jáne kreatıvti oılaý, kom­mý­nıkatıvtik jáne kósh­bas­­­­shy­lyq daǵdylar, top­tyq jumys sııaqty ómirlik ma­­ńyzdy daǵdylarǵa tegin oqý­ǵa múm­kindik paıda boldy. Bul Samğau UPSHIFT jo­basynyń arqasynda múm­kin boldy. Joba aıasynda JRO-da barlyq qajetti jabdyqtarmen jabdyqtalǵan kabınet ashyldy. Onda erekshe qajettilikteri bar jastarǵa (AIV ınfeksııasy jáne basqa da sozylmaly aýrýlary, mú­gedektigi bar, ata-anasynyń qam­­qorlyǵynsyz qalǵan jas­tar) basty nazar aýdarylatyn bo­lady», dep atap ótti Qar­qa­raly aýdanynyń JRO basshysy Qobylandy Ersaıyn.

Eske sala keteıik, bı­ylǵy 9 shildede AQDM «Jas­­tar» ǵylymı-zert­teý or­­talyǵy men BUU Bala­lar Qory (UNICEF) arasynda yn­­tymaqtastyq týraly memo­randýmǵa qol qoıylǵan bola­tyn. Onyń mańyzdy ba­ǵyty – el óńirlerinde Samğau (Upshift) jobasyn odan ári júzege asyrý.

«Jastar» ǴZO dırektory Aıan Sakoshevtyń aıtýyn­sha, «UNICEF-pen kelisim Qazaq­stannyń áleýmettik osal jas­taryn qoldaý boıynsha kúsh-jigerdi biriktirýge jaǵdaı jasap, jastarǵa óz áleýetin júzege asyrýy úshin jańa múmkindikter ashady».

Memorandým sheńberinde taraptar jastar resýrstyq or­talyqtarynyń qyzmetin odan ári damytý jáne jetildirý, jas­óspirimder men jastardyń daǵ­dylary men quzyretterin damy­týdyń turaqty modelderin qurý, jastar qyzmetkerlerin oqytý jáne jastar resýrstyq ortalyqtaryn keńeıtý, belsendi áriptestik pen mentorlyq qol­daýdy kótermeleý, sondaı-aq memlekettik jas­tar saıasaty salasynda zertteý ju­mystaryn júrgizýdegi jáne tal­damalyq sholýlardyń nátı­jelerimen almasýdaǵy yntymaq­tastyq sııaqty mańyzdy baǵyttar bo­ıyn­sha ózara is-qımyl jasasyp, kúsh-jigerdi biriktiretin bolady.

 

Daıyndaǵan

Káribaı MUSYRMAN,

«Egemen Qazaqstan»

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar