Júk tasymaly artty

«Qazaqstan temir joly» UK» AQ málimetine súıensek, eks­portqa 44,7 mln tonna tıelip, ót­ken jylǵa qaraǵanda ósim 5,5% boldy.

Birinshi jartyjyldyqta tas kómir tıeý 51,5 mln tonnany qu­rady, bul ótken jyldyń 6 aıy­men salystyrǵanda 4%-ǵa artyq. Onyń ishinde respýblıka boıynsha 36,3 mln tonnasy tasymaldansa, munyń byltyrǵyǵa qaraǵanda ósimi 8,9% bolǵan.

Qazaqstan temir joly je­li­­sindegi ekinshi áleýmettik mańy­zy bar júk – astyq tıeý ekeni belgili. Bul 2020 jyldyń birinshi jar­tyjyldyǵyna qa­raǵanda 11,5%-ǵa ósip, 4,7 mln ton­nany qurady. Al eksportqa 3,5 mln tonna jóneltilgen. Osy­laı­sha, bul kór­setkish ótken jyl­ǵa qara­ǵanda 19%-ǵa artyp otyr.

О́tken jylǵa qaraǵanda qara metaldardy tıeý kólemi 9,5%-ǵa – 2,6 mln tonnaǵa deıin, munaı júkteri 7,4%-ǵa, ıaǵnı 8,5 mln ton­naǵa deıin ulǵaıdy. Temir kenin ta­sy­maldaý salasynda da oń qar­qyn baıqaldy. Bul 9,1%-ǵa, ıaǵnı 13,7 mln tonnaǵa deıin ósim kórsetti.

Esepti kezeńde tústi kendi tıeý 2020 jylǵy qańtar-maýsym deńgeıinde qaldy jáne 11,3 mln tonnany qurady.

2021 jylǵy maýsymda «QTJ» UK» AQ boıynsha tıeý 21,2 mln tonnany qurady, bul ót­ken jylǵy maýsymdaǵy kór­set­kish deńgeıinen 2,9%-ǵa joǵa­ry.

«Egemen-aqparat»