Úkimet • 15 Shilde, 2021

Qazaqstan-Ispanııa: Investısııalyq yntymaqtastyqtyń jańa deńgeıi

59 ret kórsetildi

Premer-Mınıstrdiń orynbasary – Syrtqy ister mınıstri Muhtar Tileýberdiniń Ispanııa Koroldigine resmı sapary aıasynda 20-dan astam iri ıspandyq kompanııa basshylarynyń qatysýymen ınvestısııalyq dóńgelek ústel ótti. Sonymen qatar birqatar jańa joba boıynsha ıspan tarapymen naqty kelissózder júrgizildi.

О́z sózinde Muhtar Tileýberdi ıspan bıznesiniń Qazaqstanǵa degen qyzyǵýshylyǵy artyp kele jatqanyn, ekijaqty ekonomıkalyq yntymaqtastyqtyń jetistikterin, sondaı-aq 2021 jylǵy qazanǵa jos­parlanǵan ekijaqty jáne is­kerlik keńes otyrystaryn ótki­zýdiń mańyzdylyǵyn atap ótti.

Dóńgelek ústelge Qazaq­stanmen yntymaqtastyqty keńe­ıtýge múd­­deli Airbus Defense & Space, Maxam, Grupo Santander, Grupo AGEM, Matachana, Acciona, Talgo, Imabe Iberica, Urbaser sııaqty 20-dan astam iri ıspandyq kompanııa basshylary qatysty.

Is-shara barysynda ıspan kompanııalaryna Qazaqstannyń ınvestısııalyq áleýeti tanystyryldy. QR SIM Investısııalar komıteti tóraǵasynyń m.a. Ardaq Zebeshev agroónerkásiptik keshen, metallýrgııa, mashına jasaý, farmasevtıka, kólik ınfraqurylymy jáne energetıka sııaqty basym salalardyń múmkindikteri, sondaı-aq ınvestısııalyq ahýal jáne Qazaq­standaǵy ınvestorlardy memlekettik qoldaý sharalary týraly aıtyp berdi.

Dóńgelek ústeldi Qazaqstan tarapynan QR SIM, Qazaqstannyń Ispanııadaǵy elshiligi jáne «KAZAKH INVEST» UK» AQ uıymdastyrdy.

«KAZAKH INVEST» UK» AQ basqarma tóraǵasynyń oryn­basary Jandos Temirǵalı qatysý­shylardy birlesken jobalar týraly habardar etti jáne ıspan kompanııalary úshin jasalǵan naqty ınvestısııalyq usynystardy málimdedi.

Is-shara aıasynda QR SIM IK, «KAZAKH INVEST» UK» AQ basshylyǵy áleýetti jáne iske asy­rylyp jatqan ınvestısııalyq jo­balar boıynsha ıspan tara­pymen birqatar kelissóz júr­gizildi. Atap aıtqanda, Aqmola oblysynda et klasterin qurý jobasy boıynsha Ingeser (Grupo TSK) kompanııasymen, Nur-Sultan qalasynda nóser kárizderin salý jobasy boıynsha Aqualia kompanııasymen, energetıka salasyndaǵy áleýetti jobalar boıynsha IDOM kompanııa­symen, sondaı-aq Ispanııanyń eksport jáne ınvestısııalar jónindegi ICEX memlekettik kom­panııasynyń ınstıtýttyq árip­testerimen jáne birlesken jo­balardy iske asyrý máseleleri boıynsha COFIDES damytýdy qarjylandyrý jónindegi ıspan kompanııasymen kelissózder júrgizildi.

Muhtar Tileýberdi resmı sapary aıasynda Airbus Defense & Space kompanııasynyń óndi­ristik alańy men halyqaralyq tre­nıngtik ortalyǵyna baryp, osy kom­panııanyń basshylyǵymen kezdesti.

Budan basqa, «KAZAKH INVEST» UK» AQ-tyń Eýropadaǵy eń iri qoqys óńdeý keshenderiniń biri – Madrıd qalasyndaǵy Urbaser kompanııasynyń tehnoparkine sapary uıymdastyryldy. Oǵan suryptaý zaýyty, qaıtalama shı­kizatty qaıta óńdeý zaýyty jáne ınsenırasııalyq keshen (waste to energy) kiredi. Kezdesý barysynda jalpy qyzmetkerler shtaty 35 myńnan asatyn, 30 elde jumys isteıtin kompanııa basshylyǵy Qazaq­stanmen qatty turmystyq qal­dyqtardy (QTQ) óńdeýdiń ınte­grasııalanǵan keshenin qurý boıyn­sha seriktestikke qyzyǵýshylyq tanytty.

Al QTQ óńdeý boıynsha álemdik jetekshi óndirýshilerdiń biri Imabe Iberica kompanııasynyń basshylyǵy jańa suryptaý jáne qaıta óńdeý keshenderin qu­rý jóninde Qazaqstanmen yn­tymaq­tastyqty keńeıtýge múddelilik bildirdi.

Jalpy, Ispanııa Qazaqstannyń iri saýda seriktesteriniń ondyǵyna kiredi. Pandemııaǵa qaramastan, ótken jyly eki el arasyndaǵy taýar aınalymynyń kólemi 1,4 mlrd AQSh dollaryn qurady, al bıylǵy qańtar-mamyrda taýar aınalymy 80 paıyzdan astam ósip, 842 mln dollardy qurady. Buǵan, negizinen, qazaqstandyq eksport esebinen qol jetti. Al 2005-2020 jyldar aralyǵynda Ispanııadan Qazaqstanǵa keletin tikeleı ınves­tısııalar kólemi 245 mln AQSh dollaryn quraǵan.

 

Daıyndaǵan

Káribaı MUSYRMAN,

«Egemen Qazaqstan»

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar