Aımaqtar • 15 Shilde, 2021

Almaty úshemderi qatarǵa qosyldy

108 ret kórsetildi

Tek bıyldyń ózinde Alma­tyda 60 myńnan astam adam indet sheńgeline ilik­ken eken. Bulardyń bári der­lik saýyǵyp, otbasyla­ryna qosylǵanymen, úıine qaıtpaı qalǵandar da bar. Degen­men mıllıon-mıl­lıon qalada jaqsy jańa­lyqtar da joq emes.

Bıyl 26 mamyr kúni Al­ma­ty qalalyq Perınataldyq or­taly­ǵy­nyń dárigerleri 24 jastaǵy aıaǵy aýyr kelinshekti qabyldap, túske qaraı úshemdi bosandyryp alǵan edi. Yrymǵa senetin elmiz, bir aıaǵy jerde, bir aıaǵy kórde deı­tin haldegi eleýli oqıǵany sol kez­de jalaýlata qoımaǵanymyz da ras.

Sharanalar merziminen buryn 910 gramm, 930 gramm jáne 980 gramm aralyǵynda shala týylǵan. Alaı­da ádettegideı dárigerler osy úsh qyzdyń ómirin saqtap qa­lý úshin qoldan kelgenniń bá­rin jasady. Dúnıege kelgen úshem jan­saqtaý bólimshesinde jatqyzyldy. Reanımasııadan keıin qarqyndy terapııa bólimshesinde em aldy. Kútý kezeńi sábılerdiń ońal­ǵanynan baıqatyp, jańa týǵan náres­te­ler­diń jaǵdaıy turaqtalǵan soń jalpy bólimshege aýystyryldy.

Qazirgi ýaqytta bosanǵan áıel­diń jáne 3 qyzdyń jaǵdaıy jaqsy deýge bolady. Jas ana men úshemder 47 kúnnen keıin Perınataldyq ortalyqtan úıine shyǵaryldy. Aldaǵy ýaqytta balalardy ot­ba­synyń turǵylyqty jeri bo­ıyn­sha emhananyń dárigerleri qada­ǵalaıtyn bolady.

Jas bosanǵan Aıym Saǵat­bek­tiń aıtýynsha, Alǵash úshem ekenin bilgen kezde azdap qorqy­nysh paıda bolǵandyqtan, qursaq­taǵy shaqalaqtardyń jynysy mańyzdy bolmaǵan. Tek aman-esen dúnıege kelse eken, degen tileýmen bo­san­ǵannan keıin sábılerdi bir­den reanımasııaǵa alyp ketti, dári­gerler óte jaqsy qarady. Jan­saqtaý bólimshesinen 10-15 kún ara­lyǵynda birinshi eki qyz bala shyqty, sodan keıin Sezim shyǵypty.

«Jalpy qyzdardyń densaý­lyqtary jaqsy, sútti óz betterimen emip, qazirgi tańda birinshi náreste 930 grammen týylyp, 1935 grammen shyǵyp jatyr. Ekinshisi 980 grammen týylyp, 2009 grammen shyǵyp jatyr. Úshinshi nárestemiz 910 grammen týylyp edi, 1730 grammen shyǵyp bara jatyr», deıdi Qalalyq perınataldyq or­talyǵy bas dárigerini orynbasary Botagóz Arynova.

 

ALMATY

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar