Nurlan Qoılanuly 1963 jyly Atyraý oblysynyń Qyzylqoǵa aýdanynda dúnıege kelgen. Lenın atyndaǵy Qazaq polıtehnıkalyq ınstıtýtyn taý-ken ınjeneri, Atyraý ınjenerlik-gýmanıtarlyq ınstıtýtyn ekonomıst mamandyǵymen bitirgen.
Eńbek jolyn 1981 jyly Maqat aýdanyndaǵy baspahanada bastady. Joǵary bilim alǵan soń 1989-1992 jyldary «Embimunaıgeofızıka» óndiristik fılıalynda jumys istedi. Keıin kásipkerlikpen aınalysty.
1994 jyly memlekettik qyzmetke aýysyp, halyqty jumyspen qamtý salasynda túrli laýazymdardy atqardy. 1999-2003 jyldary Maqat aýdany ákiminiń orynbasary, 2003-2007 jyldary Maqat aýdannyń ákimi boldy. 2007-2010 jyldary Atyraý oblystyq aýyl sharýashylyǵy basqarmasyn basqardy.
Al, 2010-2021 jyldary túrli kásiporyn men kompanııaǵa basshylyq etti. Bıylǵy sáýirden beri Mahambet aýdandyq orman jáne janýarlar dúnıesin qorǵaý bóliminde ekolog bolǵan.
«Qurmet» ordenimen, II dárejeli «Eńbek Dańqy» belgisimen jáne mereıtoılyq medaldarmen marapattalǵan.
