О́rt ornyndaǵy kadrlar áleýmettik jelilerde paıda boldy.
«Búgin Besaǵash-Dýmanda 6 shaqyrym jerde órt shyǵyp, túngi 2-den tańǵy 6-ǵa deıin órt sóndirýshiler jalynmen kúresti. Olarǵa eńbegi úshin úlken rahmet. Adamdar jaýapty jáne uqypty bolyńyzdar, temeki tuqylyn tastamańyzdar, qoqysty ótemeńizder...», dep jazylǵan postta.
Almaty oblysy TJD baspasóz qyzmeti Talǵar aýdany Besaǵash aýylynyń shetindegi qurǵaq shóptiń órtengeni týraly habarlama TJD-ǵa 19 shilde kúni saǵat 03:13-te kelip túskenin habarlady.
«Almaty oblysy TJD qyzmetkerleri oqıǵa ornyna kelgen soń, taýly jerlerde shamamen úsh gektar alqapta qurǵaq shóptiń órtengenin, turǵyn úı qurylystaryna órttiń taralý qaýpi bar ekenin anyqtady. О́rt 05:55-te tolyǵymen sóndirildi, órttiń qandaı da bir qurylysqa taralýyna jol berilgen joq. Qaza bolǵandar men zardap shekkender joq. О́rtti sóndirýge Almaty oblysy TJD men Almaty qalasy TJD-iń 20 qyzmetkeri men 6 tehnıkasy jumyldyryldy», dedi oblystyq TJD.
Sondaı-aq Almaty oblysynyń TJD azamattardan órt qaýipsizdigi erejelerin qatań saqtaýdy suraıdy.
