Aımaqtar • 23 Shilde, 2021

Bıylǵy meje – 1,5 jyldyq qor jınaý

50 ret kórsetildi

Bıyl Batys Qazaqstan oblysynda egin shyǵymy ortasha. Biraq mamandar óńir ózine qajetti daqyldy tolyq jınap alatynyna senimdi.

Batys Qazaqstan oblystyq aýyl sharýashylyǵy basqar­masynyń basshysy Jasulan Ha­lıollınniń aıtýynsha, ótken jyly egilgen kúzdik daqyldy (95,2 myń ga) qosqanda bıylǵy egis alqaby 537,5 myń gektardy quraıdy. Sonyń ishinde dándi daqyldar – 296,9 myń ga, maıly daqyldar – 118,2 myń ga, kartop, kókónis jáne baqsha daqyldary – 9,6 myń ga. Buǵan qosa 31,9 ga al­qapqa mal azyqtyq daqyldar egilgen.

«Egistiń dál qazirgi jaı-kúıi negizinen qanaǵattanarlyq, tek 0,8% alqaptyń ónimdiligi tó­men, al 0,7 myń ga (0,3%) ótken aı­daǵy aptap ystyqta kúıip ketti», deıdi J.Halıollın.

О́ńirde kúzdik egindi orý ju­mysy bastalyp ta ketti. Ázir­ge gektaryna 4-12 sentner ara­lyǵynda ónim jınalýda. Byl­tyr bul kórsetkish 22,4 s/ga bolǵanyn eskersek, az­daý, árıne. Biraq dıqandar bıyl dándi daqyldar alqabynan bar­lyǵy 168,3 myń tonna ónim alýdy kózdep otyr. Onyń shamamen 75 myń tonnasy mal azyǵyna paıdalanylmaq.

Basqarmanyń josparlaýynsha, bıylǵy jańa ónim oblystyń azyq-túlik bıdaıǵa suranysyn 119%-ǵa, tuqymǵa qajettilikti 100%-ǵa qamtamasyz etýi tıis. Egin oraǵyna qatysatyn 949 kom­baın men ózge de tehnıka saılanyp tur. Basqarma basshy­sy bıylǵy egin oraǵy men kúzgi dalalyq jumystarǵa 11 myń ton­na arzandatylǵan dızel oty­nyn bólý jóninde Aýyl sha­rýa­shylyǵy mınıstrligine ar­naıy ótinim joldanǵanyn aıtady.

Bıyl Mańǵystaý, Qyzylorda óńirinde qýańshylyq bolyp, mal azyǵyna tapshylyq sezilýde. Onymen salystyrǵanda Batys Qazaqstan oblysynda jaǵdaı jaman emes. Sondyqtan óńir basshysy jergilikti aýyl sharýa­shylyǵy uıymdaryna mal azy­ǵynyń 1,5 jyldyq qoryn ja­saqtaý mindetin qoıyp otyr.

 

Batys Qazaqstan oblysy

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar